《台北追緝令》洛比桑再赴台拍動作片 桂綸鎂全英語演出做女車神︳電影LOL

唔少導演對海外城市情有獨鐘到要喺嗰度拍戲，活地亞倫就試過喺巴塞隆拿、巴黎同羅馬拍出「歐洲三部曲」。法國導演洛比桑2014年作品《露西》喺台灣取景，拍完之後導演對台灣讚不絕口，更承諾會再到當地拍戲。洛比桑又真係冇走數，佢以編劇及監製身份參與嘅新片《台北追緝令》(Weekend In Taipei），就再次重臨台灣拍攝，電影公司更標榜係「首部全片於台灣拍攝荷里活動作片」。

話明台灣取景，卡士就梗係要有台灣代表，導演就相中桂綸鎂成為《台北追緝令》女主角，至於男主角就係2位《狂野時速》系列男星Luke Evans同埋姜成鎬。

《台北追緝令》唔係由洛比桑執導，導演係台裔美籍嘅電影人黃嘉智(George Huang)。但係從新推出嘅預告片可見，《台》有著洛比桑嘅動作片刺激風格，喺台北街頭飛車追逐仲搭捷運！故事描述Luke Evans飾演嘅美國緝毒部門探員，為咗緝捕姜成鎬飾演嘅販毒集團首腦，喺某個週末去到台北，但意外同飾演頂級車手嘅前女友桂綸鎂重逢。片中桂綸鎂有個十一二歲嘅仔，仲要以全英語對白演出，都幾耳目一新。《台北追緝令》將於9月25日喺台灣上映，而北美就會喺11月推出。

更多電影文章

劫機1971／電影多啦A夢：大雄之地球交響樂／賽馬娘Pretty Derby：新時代之門︳電影LOL 今期睇咩戲

跟陳果翁子光彭秀慧做編劇仲有固定月薪 香港電影工作者總會搞新晉編劇學徒計劃︳電影LOL

《舊年暑假搞乜鬼》重拍 導演保證唔會放棄當年仆直嘅續集︳電影LOL

Late Night with the Devil 15萬美元成本大賺80倍 被封年度最勁恐怖片 係《歡樂今宵》x《驅魔人》？︳電影LOL

《死侍與狼人》開畫全球收4.38億美元 打破今年最高開畫票房紀錄︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！