雅虎香港新聞 Late Night with the Devil 15萬美元成本大賺80倍 被封年度最勁恐怖片 係《歡樂今宵》x《驅魔人》？︳電影LOL
早前外媒Variety提到今年上半年有邊幾套戲係票房大贏家﹐本大利更大嘅大片如《玩轉腦朋友2》Inside Out 2就唔駛多講啦，另外一套票房奇葩Late Night with the Devil 原來係年度刀仔鋸大樹之作。雖然Late Night with the Devil 全球票房只係1200萬美元（下同），官方亦未有公布成本，但有報導估計呢套澳洲片成本只係15萬……即係話，賺咗80倍！
創造票房奇蹟之外，Late Night with the Devil 仲相當有水準。爛蕃茄影評網專業影評分數高達97％，甚至被多個觀影平台選為年度最高質恐怖片。由片名可以估到，套戲同外國電視台製作嘅Late Night Show有關連。故事發生喺1977年萬聖節，一個類似《歡樂今宵》嘅深夜綜藝直播節目，居然玩拉闊驅魔，為一個被靈體附身嘅女仔喺錄影廠度即席「逐邪逐鬼」，正如司徒法正師傅話齋，「出事架嘛」。
Late Night with the Devil 成本低，好大原因係套戲有唔少場口就係個直播節目嘅廠景，另加部份「事後搵到」嘅片段交代背後來龍去脈，而且卡士數埋最多人識嘅可能係喺新版《自殺特攻》演波點人嘅David Dastmalchian。不過Late Night with the Devil 以唔同畫面質感交代鏡頭前後嘅事，敘事上跳得嚟唔會甩，而且營造到驚嚇氣氛，中間又攝吓啲小幽默（例如主持人話「陣間會有與魔鬼對話，但係而家先聽吓廣告客戶說話」），難怪被譽為年度最佳恐怖片，可以同《Longlegs 長腿》一較高下。如果你有睇過70年代電視節目，應該更加投入到。
更多電影文章
死侍與狼人／劇場總集篇 孤獨搖滾！Re:／DDDD惡魔的破壞 後章︳電影LOL
《死侍與狼人》開畫全球收4.38億美元 打破今年最高開畫票房紀錄︳電影LOL
四小姊弟遇空難流落亞馬遜森林40日奇蹟生還 真人真事將改編成電影︳電影LOL
班頓費沙接拍登陸諾曼第電影Pressure 演艾森豪威爾將軍 有望再爭影帝︳電影LOL
等足7年 麥浚龍執導億元鉅製《風林火山》傳年底上映 金城武拍完神隱︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
