跟名廚楊國基尋覓瀕臨失傳中菜 趙頌茹首度主持飲食節目 黃靜藍係美食黑洞

HOY TV《香港必食40道菜》星期一（17日）首播，名廚楊國基（Billy師傅）、模特兒黃靜藍（藍藍）及趙頌茹（阿Yu）主持。節目集合40 道最傳統正宗、幾近失傳的中菜，一連15集為觀眾逐一呈獻，Billy師傅更會深入廚房，與他的大廚老友們，在鏡頭前分享他們珍藏菜式的製作過程，大送由幾十年功力練成的隱藏貼士。 40道最傳統風味 給你40個留港搵食理由 北上覓食成為潮流，不過香港地始終係美食天堂，當中有大量中菜佳餚等待識食之人發掘，例如：仙鶴神針、江南百花雞、芥末墩、一品鵝、古法糯米雞、田雞扣肚尖、金錢雞等。

趙頌茹表示：「我係第一次拍飲食節目，可能大家以為我唔鍾意食，但其實我都鍾意食嘢嘅，今次跟Billy師傅同藍藍一邊玩一邊食好開心，會盡情enjoy每一餐。有時好難知道餐廳的隱藏菜式，今次(拍節目)可以食完再話俾朋友聽，帶佢哋去食。」

黃靜藍表示：「平時拍飲食節目多數在錄影廠，今次夢想成真可以跟Billy師傅出來食失傳菜所以好開心，最深刻係食仙鶴神針，聽個名已經好勁好似宮廷菜，一食又真係好犀利！」 Billy師傅笑指：「今次揀選美食俾兩位靚女都有壓力，因為佢哋未到年紀食懷舊菜。好心今次發掘到新菜色以及6、70年代懷舊菜，帶佢哋食返個原味。」

節目第一周，Billy師傅帶領藍藍和阿Yu探訪著名粵菜餐廳，品嚐昔日廣州四大酒家名菜之一、幾近失傳的江南百花雞，拆解這道菜式如何「見雞不是雞、吃雞不見雞」。 Billy師傅和藍藍到順德菜館品嚐傳統順德手工菜— 仙鶴神針，這道仙氣十足的名菜，需以素翅、頂鴿、高湯燉製，做法好考功夫，一眾主持食落都大讚好入味。藍藍又跟 Billy師傅拜會食神梁文韜，由韜哥親自介紹傳統手工點心。模特兒身形的藍藍原來好大食，更有「美食黑洞」之稱，她在韜哥面前食唔停口，直至枱面「清碟」，韜哥忍不住大讚藍藍「好有職業道德」，更笑藍藍有他的風範「可以做得我個女」。