雅虎香港新聞 跨性別身份證案｜原訴人換證兩個月未果 或告入境處藐視法庭 限一周內交代安排
終審法院裁定入境處的跨性別人士換身份證政策違憲，惟處方仍未更新政策，上千名跨性別人士仍苦等換證，包括該案原訟人謝浩霖（Henry）。日前Henry出席雅虎香港分享會，細訴成為「跨仔」和平權歷程，並透露早前已向政府遞交所有換證文件，限入境處一周內交代換證安排，否則或控告處方藐視法庭。
文字記者：盧珮瑤
攝影記者：Oscar Liu
雅虎香港的LGBT 小組「PRISM」上周六（15日）聯同成人用品店「斑鳩」舉辦分享會，開放公眾報名參加。Henry在會上分享小時候尋找性別認同的感受，又談到踏上平權之路的原因。2017年他入稟司法覆核，雖然審訊歷時五年，期間兩度敗訴，但Henry由始至終認為勝券在握，「因為單case（案件）法理好強，唔係一啲random file（隨機入稟）」。入境處要求跨性別人士改變身份證上的性別需提交已完成性別重置手術的醫學證明，即女性轉為男性就必須切除子宮及卵巢，及建立陰莖。Henry指，此要求等同「活摘器官」，違反《香港人權法案條例》，「換證條件好難，即係迫全部人要去做手術」。
雖然Henry最終勝訴，但終審法院裁決已出爐2個多月，入境處仍以「需時研究判決」為由暫停處理換證申請，「我有法庭命令喺手都唔換得，係故意拖延，淨係不停叫我補交文件，但其實我一早交齊晒，而家係拉鋸」，Henry已要求入境處未來一周交代換證安排，否則將會控告處方藐視法庭。
轉換性別經多重程序
席上有觀眾提到英國、德國等地均有跨性別人士進行變性手術後感到後悔，希望恢復原來性別，欲了解更多轉換性別的評估是否全面。在英國進行性別轉換程序的Henry指，外國要轉換性別需經過多重程序，「我唔覺得好容易，英國要拎張《性別承認證書》，都要經過晒評估、有張信，先可以一個星期內換到」。當時Henry需經過兩年以男性身份進行的「生活體驗證明」，並提交指定醫生的醫療報告才可獲得該證書，「我睇唔到啲人話今日轉、聽日就可以付諸實行嗰樣嘢喺邊度嚟」。
Henry在上月底「國際跨性別現身日」與一眾跨性別人士到入境事務大樓外請願，並向處方提出「四大訴求」，包括需平等處理跨男和跨女的換證條件，有觀眾問及兩者的分別。Henry指，現時終院裁決禁止入境處新例要求「跨仔」摘除子宮、卵巢，但並未有訂明對「跨女」的處理，「最worst（惡劣）係佢淨係改跨男，跨女唔改，但當然香港有《性別歧視法》，咁樣係性別不平等，可以一推就冧」。
新聞系學生：大家都係有血有肉嘅人
城大心理學系四年級生麥同學正以Henry案件為題做論文研究，特地參加分享會了解跨性別人士的情況，「本身對性別議題都好有興趣，原來呢個世界可以好唔同、好多元」。他透過分享會更了解Henry生活上的困難，「生活嘅不便係好需要關注，身份證個意義帶嚟啲咩呢？會唔會除咗張證，有啲嘢都要幫手？」對於政府遲遲未讓跨性別人士換證，麥形容政府「輸打贏要」，亦希望香港落實《性別承認法》並充分諮詢跨性別群體，「政府需要有透明度去畀公眾了解，特別係要貼近Transgender（跨性別人士）嘅需要，要一個幫到佢哋嘅方案」。
正於浸大修讀新聞系的陸同學和黎同學，則希望研究傳媒報道跨性別人士手法。兩人指分享會讓觀眾與Henry自由交流，比以往只透過新聞了解換證案來得更真實，「感受到大家都係有血有肉嘅人，嗰種感覺更加close（親近）」。黎指現時傳媒為求增加點擊率，或在報道中過份強調性小眾身份，「例如同性戀者，有時喺無必要提到呢個身份嘅情況下，點都要寫出嚟，去到一個不必要嘅程度，想知多啲會唔會令到佢哋唔舒服」。
相關報道：
【跨性別身份證案】原訴人換身份證一個月未果 批入境處有心拖延：龍門一路飄移
專訪｜挑戰身份證改性別限制 勝訴迎遲來的公義 跨性別原告嘆活在香港像二等公民
【跨性別身份證案】入境處暫拒免手術換證 律師指政府修改政策需時 長期「不作為」可入稟追究
【香港跨性別平權協會facebook】
