鄧小巧與未婚夫加拿大染疫 分享自身經歷鼓勵大家

·2 分鐘文章
鄧小巧與未婚夫加拿大染疫 分享自身經歷鼓勵大家
鄧小巧與未婚夫加拿大染疫 分享自身經歷鼓勵大家

歌手鄧小巧喺上月除夕(12月31號)報喜獲外籍男友「白先生」求婚成功,即將榮升做人妻,當大家睇緊佢喺加拿大同未婚夫蜜遊嘅相片之際,今日(7號)突然公布另一個消息,自爆去年4月與未婚夫一同確診新冠肺炎,並將個人經歷及感受分享畀大家:「當時有唔少朋友話:唔好俾(畀)人知你中過啊。但其實,點解呢?點解要咁恐懼呢?知道多啲唔好咩?」

鄧小巧與未婚夫去年4月確診新冠肺炎。
鄧小巧與未婚夫去年4月確診新冠肺炎。

佢詳細透露首7日出現病徵,肌肉痛、全身無力、頭重重,以至喉嚨痛、流鼻水、失去嗅覺及味覺,期間進食大量維他命C、D、感冒徵狀西藥等,休息至第11天已逐漸康復兼如常生活。佢指當地病徵較輕患者待家休息,靠自身免疫力自愈,然後產生抗體。

確診第11天已如常生活。
確診第11天已如常生活。

佢又透露身邊唔少朋友曾染疫,未婚夫患糖尿病嘅舅父更不幸染後死亡,但佢希望藉住自身經驗帶出訊息「唔好當Covid係世界末日」:「喺加拿大,由於好多人感染,每個人身邊總有幾個人曾經染病,大部份嘅反應都係鬆鬆膊頭,然後:哦。病咗幾多日啊?然後繼續生活、工作。我唔係叫大家掉以輕心,叫大家當Covid係一個joke(某啲社交限制措施先係一個joke,唔洗我補充),但亦都唔好當Covid係世界末日。我只係想同大家講:做足要做嘅措施,其他就交俾(畀)個天。足足兩年,總不能喺恐慌同擔憂中度過。」

以自身經歷同大家分享。
以自身經歷同大家分享。
鼓勵大家。
鼓勵大家。
兩日前到加拿大洛磯山脈(Rocky Mountains)玩。
兩日前到加拿大洛磯山脈(Rocky Mountains)玩。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能