關於奧斯卡｜ViuTV冇播放權 香港觀眾冇得喺電視睇頒獎禮｜電影LOL

第96屆奧斯卡頒獎禮將於香港時間下周一（11日）早上舉行。往年香港都會有電視台直播盛事，但係向來擁有播映權嘅TVB自2021年起冇再轉播奧斯卡，理由係「純商業考慮」，香港觀眾就要用自己方法睇頒獎禮。而去年ViuTV首度奪得奧斯卡香港區免費電視播映權，並於英文台ViuTV six作現場直播。

本來外界以為ViuTV今年會再播奧斯卡，但去到頒獎禮前夕都仲未有相關宣傳，有傳媒向ViuTV求證，ViuTV回應話「沒有今年香港播放權」，即係話觀眾又要用自己方法睇嘞。

近年奧斯卡出現涉及中港政治議題事件，2021年嘅最佳紀錄片入圍作品中，包括挪威導演拍攝、關於2019年反修例風波嘅《不割席》；憑電影《浪跡天地》嘅華裔導演趙婷亦因為被指辱華而受爭議。而去年奧斯卡獲得香港人關注，最大原因應該係港人熟悉嘅楊紫瓊及關繼威憑《奇異女俠玩救宇宙》入圍最佳女主角及男配角，兩者都不負眾望奪獎而歸。

今年想睇《奧本海默》掃獎，同埋Emma Stone會唔會再拎影后？大家可能又要用自己方法嘞。小編都搵緊方法，過兩日再同你開心share。

更多電影文章

電影LOL 今期睇咩戲︳沙丘瀚戰：第二章／可憐的東西／北極百貨的秋乃小姐／月光之下

電影LOL︳三大因素加持 《沙丘瀚戰：第二章》開畫全球狂收逾14億

電影LOL︳台片《周處除三害》內地突圍 4日票房收1.4億人民幣

電影LOL︳《奇異女俠玩救宇宙》導演Daniel二人組 新片2026年夏天上映題材極保密

電影LOL︳崔岷植柳海真新片好得人驚 韓片《破墓》開畫4日230萬人入場完勝

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！