電影LOL︳三大因素加持 《沙丘瀚戰：第二章》開畫全球狂收逾14億

上周開畫嘅《沙丘瀚戰：第二章》係今期唯一嘅大片，票房成績自然成為焦點。喺口碑加持之下，周一公布嘅《沙2》開畫票房開紅盤，周末三日北美票房共收8250萬美元（下同），而外國票房更厲害，衝破一億大關！即係話《沙2》首周全球票房已經邁向2億，值得留意嘅係，套戲喺兩大海外市場 － 中國同日本仲未開畫！對於近年票房疲弱嘅荷里活而言，《沙2》簡直係救命神仙水，本來《沙2》上早前，北美本土票房整體數字比去年少2成，《沙2》上畫後個差距立即收窄至13.5%！

外媒Deadline分析咗多個因素點解《沙丘瀚戰：第二章》嘅開畫數字比第一集多八成，例如《沙2》因為演員公會去年罷工而延期放映，反而錯有錯著避開假期檔，而且呢排前後幾個禮拜都冇乜大片上，變相做獨市生意。而《沙2》浩瀚嘅畫面同場景，令觀眾更願意俾多少少睇IMAX版本，開畫收入當中近一半來自巨幕影院，場數供不應求到有戲院要開凌晨3:15場次，都仲有捧場客。

《沙2》開畫後，好多觀眾認為睇完第二集會更了解成個故事，因此吸引唔少人睇返第一集，再追返第二集。或者因為呢個原因，內地片商安排《沙丘瀚戰》喺剛過去周末再次上映，而票房數字更加好過新片《蜘蛛夫人》，似乎內地觀眾對口碑麻麻嘅《蜘》都唔大受落。

而《蜘蛛夫人》喺剛過去周末全球總收5百萬，累積票房仲未到1億，恐怕最後都好有可能蝕本收場。

更多電影文章

電影LOL 今期睇咩戲︳沙丘瀚戰：第二章／可憐的東西／北極百貨的秋乃小姐／月光之下

電影LOL︳台片《周處除三害》內地突圍 4日票房收1.4億人民幣

電影LOL︳《奇異女俠玩救宇宙》導演Daniel二人組 新片2026年夏天上映題材極保密

電影LOL︳崔岷植柳海真新片好得人驚 韓片《破墓》開畫4日230萬人入場完勝

電影LOL︳港產女同志電影《從今以後》奪柏林影展泰迪熊獎 一個原因令李琳琳出山演出

電影LOL︳《你的名字》新海誠得力拍檔 日本動畫監製涉兒童色情罪行被捕

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！