電影LOL︳《奇異女俠玩救宇宙》導演Daniel二人組 新片2026年夏天上映題材極保密

一年容易又奧斯卡，上年《奇異女俠玩救宇宙》大放異彩，令香港出道嘅楊紫瓊首奪奧斯卡影后之外，更令喺圈中浮沉多年嘅關繼威獲得最佳男配角，吐氣揚眉！而《奇》片導演Daniel二人組（Daniel Kwan關家永及 Daniel Scheinert）就獲得奧斯卡最佳導演，當然成為圈中新貴。

近日有報導確定，Daniel二人組嘅新片，已經鎖定喺2026年6月中暑假前夕檔上映，大檔期喎！可見片商對佢地信心十足。早喺2022年8月《奇異女俠玩救宇宙》上映後，環球影業已經同2位Daniel簽定5年約，果然係慧眼識英雄。畢竟喺口碑同獎座之外，《奇異女俠玩救宇宙》都係刀仔鋸大樹之作，估計成本只係1500萬至2500萬美元左右，但係全球總票房高達1億4400萬，成為出品公司A24史上最收得作品，加埋串流同賣埠收入就更加fat fat。對於近年缺乏創意、而且十套大片九套蝕嘅荷里活而言，Daniel二人組展示創意活力兼成本控制得宜，點會唔吃香。

映期有，但係官方公布嘅卡士同故事呢？會唔會再同楊紫瓊合作？咩類型？完全冇披露。不過又如何！暫時已知2026年6月檔期會上映嘅大片，只有《汪汪隊》大電影會係嗰個月底推出。會唔會係各行家已經收到風，2位Daniel呢鋪會更勁，於是避一避鋒頭？

更多電影文章

電影LOL 今期睇咩戲︳沙丘瀚戰：第二章／可憐的東西／北極百貨的秋乃小姐／月光之下

電影LOL︳崔岷植柳海真新片好得人驚 韓片《破墓》開畫4日230萬人入場完勝

電影LOL︳港產女同志電影《從今以後》奪柏林影展泰迪熊獎 一個原因令李琳琳出山演出

電影LOL︳《你的名字》新海誠得力拍檔 日本動畫監製涉兒童色情罪行被捕

電影LOL︳今年賀歲片興偷同搶！台灣票房冠軍《還錢》偷完又還搞乜鬼？

電影LOL︳贏足一倍！《音樂傳奇卜馬利：人生愛與夢》北美開畫大勝《蜘蛛夫人》

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！