雅虎香港新聞 電影LOL︳《史密夫決戰史密妻》劇集版 冇型男索女兼探討婚姻與寂寞咁大膽？
2005年由型男索女畢彼特、安祖蓮娜祖莉主演嘅電影《史密夫決戰史密妻》票房大賣，2位主角仲戲假情真撻著，一度成為荷里活最強銀色夫妻檔。依家夫妻做唔成仲搞到對簿公堂，好彩電影界地位不變，依然係唔少影迷心頭好。
可惜近年美國似乎難以出產原創劇本，荷里活翻拍成風，幾乎所有稍為成功嘅IP都被翻拍，《史密夫決戰史密妻》都唔例外。年前串流平台Amazon Prime Video宣布開拍《史》劇集版，並搵嚟《韓索羅：星球大戰外傳》男星Donald Glover及劇集《Obi-Wan Kenobi》女星Maya Erskine 主演，同劇仲有《蝙蝠俠》「 謎語人」男星Paul Dano。
既然翻拍故事大綱同電影雷同，講述2個殺手因為任務成為掛名夫妻，個個星期都有大單Job，出生入死下產生真感情，變成又愛又恨嘅關係。劇集籌備已久，最初由Donald及《倫敦生活》Phoebe Waller-Bridge共同創作及主演，Phoebe全身投入劇本創作6個月後因為分歧而辭演，劇集因此延後至明年2月2日首播。
男主角兼監製Donald Glover日前接受Entertainment Weekly訪問，表示劇集一定俾到新鮮感觀眾，而且同電影有明顯分野，將會觸及更多婚姻及人際關係。Donald明白電影出色之處，不過對故事表示不解，劇集將會有何謂婚姻、人何解會感到寂寞嘅討論。
電影《史密夫決戰史密妻》嘅型男索女主角難以取代，不過劇集版星光一樣夠照，《傳媒家族繼承人》劇集男星Alexander Skarsgard、 《狂野時速：雙雄聯盟》女星Eiza Gonzalez、《美國恐怖故事》Sarah Paulson 及《喪盡癲才》女星Sharon Horgan將會客串《史》劇集。
Donald Glover才華洋溢見稱，佢接手《史》劇集拍出新角度唔奇，只係好奇既然同電影版咁大分別，點解唔索性搞個新劇目，以為睇型男索女火花四濺，點知兜口兜面睇到自己婚姻難處又孤寂，觀眾會唔會惱羞成怒而劣評？
更多電影文章
電影LOL︳集齊一線大星 新片Average Heigh, Average Build拍唔成關氣候變化事？
電影LOL︳吳宇森新片Silent Night 男主角為啞巴角色禁言點知極速破功
電影LOL︳隻鬼成層樓咁高！全球首部IMAX泰國鬼片Death Whisperer沉浸式嚇死你
電影LOL︳羅拔唐尼「翻生」再演鐵甲奇俠救票房？Marvel高層正式落閘
電影LOL︳Marvel傳有意換人執導《雷神奇俠》導演立即割席︰當年為錢先拍
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
