電影LOL︳《綠野仙蹤》350萬元道具紅鞋失竊奇案 76歲疑犯落網坐住輪椅上庭

今日講單法庭新聞。美聯社報導，經典戲寶《綠野仙蹤》片中，女主角茱迪嘉蘭所著過嘅紅鞋，2005年喺茱迪嘉蘭紀念博物館被偷去嘅案件，早前再有一名涉案疑犯被捕。76歲嘅Jerry Hal Saliterman被控盜竊重要藝術品等2項罪名，佢否認控罪。而據報導講，Jerry Hal Saliterman坐住輪椅上庭，仲要靠氧氣機維持呼吸。案情指佢喺2005年8月至2018年7月，亦即係對鞋失蹤期間管有文物，而且知道對鞋係贓物。Jerry Hal Saliterman更加脅另一位知情女子，話如果對方爆大鑊就將一段性愛片段流出，同歸於盡咁喎。

呢對拖鞋係1939年版本《綠野仙蹤》女主角Dorothy由Oz返回現實世界嘅重要道具之一，上面有珠片等裝飾，現時價值估計高達350萬美元！片中茱迪嘉蘭著過嘅呢對道具紅鞋，現存只有4對真品，被偷去嘅係由收藏定Michael Shaw捐出俾茱迪嘉蘭紀念博物館。

2005年，一名叫做Terry Jon Martin嘅積犯，用斧頭打爆紀念博物館大門再劈開飾櫃，將呢對百萬拖鞋偷去。呢件道具下落不明多年，到2017年有人向保險公司聲稱知道拖鞋下落，開價20萬元作酬勞。而美國FBI到2018年就喺明尼亞波里斯搵返對鞋。之後當局拉咗Terry Jon Martin，去年十月佢承認偷竊等控罪，並且話當時打算偷完呢對拖鞋就「金盤洗手」，而犯案前Terry Jon Martin先至坐完十年監出返嚟冇耐。Terry Jon Martin作供指，同黨以為對鞋值咁多錢，上面啲寶石一定係真，點知接贓嘅「二叔公」話，啲石假架！於是Terry Jon Martin就冇理到對鞋。

案情都幾曲折離奇，唔知有冇片商睇中呢？呢個故事嘅最大教訓係，電影世界真係以假亂真嘅夢工場，咁道具就梗係唔會用真嘢啦！

更多電影文章

電影LOL 今期睇咩戲︳出租家人／第151個朋友／音樂傳奇卜馬利：人生愛與夢／歡迎來到駒田蒸餾所

電影LOL︳唔敢搏？媒體人爆料 Marvel擬叫停《Marvel 隊長》《永恆族》《蟻俠》

電影LOL︳香港國際影視展預告今年港片陣容 古天樂至少5部在手！

電影LOL︳《哥斯拉-1.0》低成本拎奧斯卡最佳視效 香港未有得睇原因係咁？

關於奧斯卡2024 花絮︳Emma Stone晚裝爆拉鏈因為佢？ John Cena全裸頒獎大曬人魚線

電影LOL 關於奧斯卡｜ViuTV冇播放權 香港觀眾冇得喺電視睇頒獎禮

電影LOL︳三大因素加持 《沙丘瀚戰：第二章》開畫全球狂收逾14億

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！