電影LOL︳《魔盜王》部署飛起尊尼特普 The Bear黑人女星有望接棒

荷里活繼續冇橋用，將賣座故事IP衍生其他故事係「有創意」得嚟又易於sell畀觀眾嘅手法。由尊尼特普、Keira Knightly等明星主演嘅《魔盜王》系列大受歡迎，2017年上完第5集之後，唔少觀眾等睇第6集，不過中間過程阻滯多多。

疫情同編劇罷工之外，「船長」尊尼特普被指家暴前妻Amber Heard鬧出官司後，片商迪士尼未等判決就將Johnny Depp飛起，Johnny 未打完官司都表明話唔會再拍《魔盜王》。即使之後Johnny Depp贏官司，迪士尼又釋出善意話Johnny Depp無可取代，但似乎唔多確定Jack Sparrow呢個靈魂人物會唔會再現。

早前已經有報導指，迪士尼為《魔盜王》做足兩手準備，搵兩team人度橋寫2份劇本。一邊係由Barbie 女主角Margot Robbie主演嘅女性主導版故事，由《變形金剛》系列電影《大黃蜂》主腦Christina Hodson任編劇，其他卡士更盛傳有《水行俠》Jason Mamoa等；

另一邊就主打青春路線，故事以一班年青海盜去搵寶藏為主，領軍角色暫名Anne，即係都係由女海盜做招牌。而家有傳第2個故事，會由去年大熱串流劇The Bear嘅黑人女星Ayo Edebiri孭飛，都幾配合近年迪士尼破舊立新嘅選角方向。而為前4集《魔盜王》做編劇嘅Ted Elliott將會聯同HBO劇The Last of US創作人Craig Mazin一齊為呢個故事寫劇本。

《魔盜王》系列監製謝利畢咸馬之前提到，呢2套新作都係進行中，冇話要cut其中一套。至於Johnny Depp會唔會再次上船，似乎仍然未有定案。

更多電影文章

電影LOL 今期睇咩戲︳特工亞皆老／年會不能停！／劇場版 SPY × FAMILY CODE: White

電影LOL︳許鞍華擔任柏林影展國際評審 評選競賽單元得獎電影

電影LOL︳泰國情慾恐怖片《邪妓》社會寫實＋情色＋靈異 勁有舊式港片風味

電影LOL︳DC女超人選角確定 《龍之家族》Milly Alcock揮低一眾女星脫穎而出

電影LOL︳犀利B登場！《壞蛋獎門人4》預告片曝光 犀利哥再升呢做老豆

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！