電影LOL︳又有佢份?尼古拉斯基治親認拍《奪面雙雄》續集

·2 分鐘文章

正所謂「坎坷過後有艇搭」,因為要還債而大量接戲「跑數」嘅影帝尼古拉斯基治,近日公開表示已經街數一筆清,但係並無因此減產抖抖,反而越拍越有!最新搞作係確認拍個人經典《奪面雙雄》續集。

25年前由吳宇森執導嘅《奪面雙雄》(Face/Off),講述FBI探員被恐怖份子「換面」後引發連場衝突。尼古拉斯基治飾演恐怖份子,換面後變成正義幹探,同尊特拉華達惡鬥一番,當年全球票房收2億5千萬,排喺全年15大之列。尼古拉斯基治隨後仲拍咗《石破天驚》同《驚天動地》2套動作大片,而港產片導演劉偉強更因《奪面雙雄》嘅變臉、身份互換元素,創作出《無間道》嘅故事雛型。

《奪面雙雄》(Face/Off)
《奪面雙雄》(Face/Off)

片商派拉蒙3年前就宣布會啟動《奪面雙雄》續集,但導演唔再係吳宇森,換上《哥斯拉大戰金剛》(Godzilla vs. Kong)導演Adam Wingard。新導演表明會係延續第一集故事,並非重拍經典。

《奪面雙雄》(Face/Off)
《奪面雙雄》(Face/Off)

咁到底人稱「旦治」嘅尼古拉斯基治會唔會再次參與呢?「旦治」呢期為新片The Unbearable Weight of Massive Talent宣傳,並以真身參與外國討論區Reddit嘅「你問我答」,有網友問尼古拉斯基治會唔會拍《奪面雙雄》續集,「旦治」一句到尾︰YES。不過呢個答案並未得到官方認證,但係以「旦治」呢期人氣咁勁,搵佢拍無衰喎!

更多電影文章

電影LOL︳禁錮一年變情侶 Netflix爭議之作365 Days拍續集 預告片曝光更多火辣床戲

電影LOL︳被爆迫女星上床換演出機會 日本導演園子溫寫信道歉

電影LOL︳《魔比剎》導演爆料 謝拉列圖投入殘障角色 去廁所都扶拐杖

電影LOL︳掌摑事件手尾長 Will Smith多套新片hold住唔郁

電影LOL︳《魔比剎》未上畫就負評如潮 連片尾彩蛋都被人插「史上最爛」

電影LOL︳67歲布斯韋利士患失語症影響認知能力 家人代宣布退出影壇

電影LOL︳奧斯卡懶人包 四大串流平台睇勻得獎作品《心之旋律》《犬山記》《王者世家》《神聖電視台》

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能