電影LOL︳啞父為仔報仇！吳宇森20年來首套荷里活動作片Silent Night 確定12月上映

美國編劇工會同片商代表達成薪酬協議，相信仍然罷工嘅演員工會都會好快傾掂數。對片廠而言係好事，因為旗下製作可以全面開工之外，宣傳活動都終於有星撐住，所以陸續有大片公布映期。

近年主打華語市場嘅吳宇森，佢嘅重返荷里活之作Silent Night 日前確定12月初北美上映。呢個檔期有啲玄妙，因為夾喺感恩節同聖誕新年之間，但絕對唔係炮灰檔，畢竟北美好多打工一族踏入12月就已經處於放假mode。去年由The Stranger Things劇中演Eleven老豆嘅David Harbour，佢嘅《殺神夜》（Violent Night)正係呢個檔期跑出。

吳宇森對上一套荷里活片已經係20年前嘅《致命報酬》(Paycheck)，當時男主角係賓艾佛力同Aaron Eckhart。而今次嘅Silent Night，片名唔係為咗食正年尾檔期，而係本身套戲冇咩對白(甚至有報導話係一句都冇！），因為故事主人翁喺平安夜睇住個仔喺幫派駁火時中槍喪生，佢自己亦啞咗，於是苦苦鍛練為子復仇。Silent Night正正食到兩重意思。

以復仇為題材，可以話係吳宇森嘅拿手好戲。動作連場但又冇咩對白，亦好考導演功架。男主角由到美國發展嘅瑞典演員Joel Kinnaman擔任，佢之前演過兩套《自殺特攻》以及政治劇House of Cards，今次角色要打又要演，應該會備受注目。

更多電影文章

電影LOL 今期睇咩戲︳轟天猛將4／大偽術師／幸福晝鳴曲／孤注一擲／以色列鐵娘子：梅爾夫人／幸福晝鳴曲／職場新仔

電影LOL︳荷里活編劇工會同資方達成協議 近5個月罷工有望完結

電影LOL︳女醫生偷食小鮮肉後交換肉身 萬聖節應節片Suitable Flesh少少咸多多血

電影LOL︳阿媽爭人錢走佬 新片Quiz Lady反差姊妹花玩問答遊戲上電視跑數

電影LOL︳連場打戲頂唔順 奇洛李維斯要求《殺神John Wick》導演賜死？

電影LOL︳拍完5年 12月終上映 錢國偉遺作《熱血燃燒》齊集古惑仔4主角獨欠鄭伊健

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！