電影LOL︳最新－荷里活編劇工會同資方達成協議 5個月罷工完結

（9月27日更新）

荷里活編劇工會(WGA）宣布，董事會成員一致通過支持早前同代表資方嘅影視出品人聯盟（AMPTP)達成嘅臨時協議，並宣布為期近5個月嘅罷工，將於美國西岸時間星期三午夜起正式完結。而家只係等10月2至9號嘅會員表決，一旦獲大多數贊成，新嘅勞資協議就會正式落實，有效期至2026年5月。

－－－－－－－－

荷里活編劇工會喺美國西岸時間星期日發聲明，宣布同代表資方嘅影視出品人聯盟（AMPTP)達成臨時協議，一旦星期二舉行嘅會員投票獲通過，就可以正式完結長達近5個月嘅罷工。不過合約細節就未有披露。

編劇工會5月初展開罷工，而工會近期同AMPTP進行連日磋商，尤其是喺使用AI科技及人手問題。資方亦向工會了解，一旦臨時協議落實，編劇會否立即開工，而勞方就表示會等同樣進行罷工嘅演員工會(SAG-AFTRA)都同AMPTP達成協議先至全面復工，以示雙方團結。而SAG-AFTRA亦祝賀編劇工會達成協議，同時促請資方重啟談判，並達成合符演出人員利益嘅協議。預計北美電視台嘅日間同深夜時段主要talk show都會好快恢復製作。

今年荷里活嘅編劇、導演同演員工會分別就薪酬福利同保障等發動罷工，而家前兩者已經同勞方傾掂數，焦點就落喺演員工會身上。預計編劇工會達成臨時協議之後，演員工會同資方好快會重返談判桌。據估計今個夏天編劇同演員工會嘅罷工，就為美國加州達來50億美元損失。

更多電影文章

電影LOL 今期睇咩戲︳轟天猛將4／大偽術師／幸福晝鳴曲／孤注一擲／以色列鐵娘子：梅爾夫人／幸福晝鳴曲／職場新仔

電影LOL︳女醫生偷食小鮮肉後交換肉身 萬聖節應節片Suitable Flesh少少咸多多血

電影LOL︳阿媽爭人錢走佬 新片Quiz Lady反差姊妹花玩問答遊戲上電視跑數

電影LOL︳連場打戲頂唔順 奇洛李維斯要求《殺神John Wick》導演賜死？

電影LOL︳拍完5年 12月終上映 錢國偉遺作《熱血燃燒》齊集古惑仔4主角獨欠鄭伊健

電影LOL︳《水行俠》續集宣傳啟動 Elon Musk分享舊愛Amber Heard 私照幫手做勢？

電影LOL︳姜濤台灣宣傳《我的天堂城市》 姜糖逼爆西門町 獻螢幕初吻強調有漱口

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！