雅虎香港新聞 電影LOL︳姜濤台灣宣傳《我的天堂城市》 姜糖逼爆西門町 獻螢幕初吻強調有漱口
日前姜濤前往台灣宣傳新片《我的天堂城市》，台媒早知佢人氣勁，每每以「香港人氣天團成員」形容佢。而姜濤台灣之旅，所到之處都人山人海獲得大批粉絲迎接，直接將西門町逼爆變「姜濤町」，台媒首次親身感受姜糖嘅威力同團結，媒體朋友大表震撼！
《我的天堂城市》講述幾位年輕人為了夢想的生活，他們來到了看似天堂的城市－紐約。失戀窮困的留學生智美（宋芸樺 飾），在工作與現實生活之間處處碰壁、朝聖嘻哈街舞的青少年傑克（姜濤 飾）面對工作與情感的兩難抉擇，以及面對家庭問題與孩子心理疾病壓力的移民夫妻家生（姚淳耀 飾）和小慈（魏蔓 飾）。
異鄉的生活充滿挑戰，相互爭吵卻又彼此依賴，在理解與追夢的過程，友情、愛情、親情成為他們堅守的一切，只是未來，他們又會走向哪裡？彼此真正想要的又是什麼？
電影由俞聖儀執導兼編劇，對於選角導演坦言最看重演員氣質，形容姜「天真、有夢想很真誠」當初只係同姜濤視訊咗5分鐘就覺得佢非常適合飾演Jack。戲中佢同前100毛成員「黃慘盈」（李嘉文）飾演情侶，仲獻出螢幕初吻。怕醜嘅姜濤表示拍攝過程好緊張，強調自己有漱口，非常搞笑！
本身人在美國追逐演員夢嘅李嘉文，同角色適配度相當高，佢補充話吻戲現場有專業老師指導，事前溝通好每個動作，雖然大家演戲經驗唔多，不過吻戲一take過非常專業！
同片仲有港人熟悉、曾參演電影《月老》、《等一個人咖啡》與《我的少女時代》嘅宋芸樺，佢表示拍《我》最大嘅挑戰係中英文對白流利切換，好考反應！電影將於9月15日全台上映，香港嘅觀眾要稍為等一等，10月12日有得睇！
更多電影文章
電影LOL 今期睇咩戲︳詭修女II／殺出坎大哈／女子監獄／救參的士／銀河鐵道之父
電影LOL︳《復仇者聯盟6》導演人選3大熱門 有2個拍過Marvel作品 另一位同超級英雄片大纜扯唔埋？
電影LOL︳千禧童界潮片《非常小特務》23年後再有續集 今次又要細路救邊個？
電影LOL︳The Rock 10年前舊作《毒火線》 點解忽然打入Netflix收視十大
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
