電影LOL︳The Rock 10年前舊作《毒火線》 點解忽然打入Netflix收視十大
The Rock(Dwayne Johnson)呢幾年紅得很,最多都係《黑亞當》Black Adam票房不似預期。The Rock人氣勁到一個點,係連佢10年前嘅舊作《毒火線》(Snitch)都忽然翻hit。
根據Netflix公布8月28日至9月3日嘅全球英語電影收睇排名,《毒火線》嗰個星期有230萬人收看月總時數410萬小時,排名第十。呢個數字,連新片都未必打得上,仲要係一套10年前上畫時唔算轟動嘅中型片。
故事改編自真人真事,生意人John (The Rock 飾)嘅18歲兒子Jason,因為收到不知名包裹而無辜被控販毒,隨時要坐十年監。John為咗救仔,不惜以身犯險同美國聯邦檢察官自薦做臥底潛入地下黑幫,為美國政府擒拿販毒集團幕後黑手,並搜集足夠證據還兒子清白。John混入販毒幫派,仲意外引出墨西哥大毒梟!
聽落都知刺激嘢,2013年套戲上映時反應唔算好又唔算差,總收5800萬美元,足以回本甚至賺少少。爛蕃茄評價係58%,真係幾一般。但點解十年後又會hit返?有外媒睇返卡士先知來頭不少,除咗The Rock之外,仲有金像影后Susan Sarandon、後來拍Marvel劇 The Punisher大紅嘅Jon Bernthal,以及因為The Stranger Things走出電視圈嘅David Harbour,難怪影迷覺得執到寶齊齊煲。
更多電影文章
電影LOL 今期睇咩戲︳怨泊/叛諜裁判3:終極一戰/藍色巨星/尋根女團/熱烈/速戰
電影LOL︳鯊魚咬人係收視保證?新片The Black Demon成Amazon Prime最受歡迎節目
電影LOL︳盛傳《闔家辣》開續集搶賀歲檔 呂爵安 吳君如 鄭中基 梁詠琪加古天樂復刻《嚦咕嚦咕新年財》?
電影LOL︳搵老友記扮超能戰隊 《邀阿公阿嬤拍B級殭屍片》紀錄過程好笑又催淚
按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!