電影LOL︳Nolan再被傳執導007新片 仲要連拍2部？

自從前年嘅No Time To Die之後，「新鐵金剛」007系列電影正在籌備重啟，占士邦人選會換，當然導演都換埋啦。

一直都有傳，現時灸手可熱嘅《奧本海默》大導Christopher Nolan係下一位007導演人選，加上Nolan本身係呢套電影系列fans，亦多次表明有機會拍007係會接嘅，而家只係爭在幾時落實。

近期外媒報導，Nolan同007嘅製作方Eon本來已經傾緊細節，只係因為而家編劇同演員工會罷工，一切都要hold住。不過達成呢次「天作之合」嘅障礙唔止因為罷工，而家有傳Nolan因為希望拍新007時有極大創作主導權，同向來將007風格揸得好緊嘅Eon有出入。但亦都傳出Eon打算放手俾Nolan寫埋劇本，仲一拍就拍2集007。嘩，呢啲風向兩個方向架喎，邊便至係先？

假如Nolan真係傾唔成，Eon盛傳已經有一個list嘅導演plan B人選︰《沙丘瀚戰》嘅Denis Villeneuve、《叛諜追擊》系列嘅Paul Greengrass，甚有「邦片」味嘅《皇家特工》系列導演Matthew Vaughn都被傳想自薦。而Eon仲有一個心目中人選，就係拍過《一百萬零一夜》嘅Danny Boyle……亦即係No Time To Die嘅導演。咁即係……兜一大個圈，結果返回原點？

更多電影文章

電影LOL 今期睇咩戲︳詭修女II／殺出坎大哈／女子監獄／救參的士／銀河鐵道之父

電影LOL︳千禧童界潮片《非常小特務》23年後再有續集 今次又要細路救邊個？

電影LOL︳The Rock 10年前舊作《毒火線》 點解忽然打入Netflix收視十大

電影LOL︳《反斗奇兵5》傳安仔成家立室回歸 網民嬲爆狠批

電影LOL︳鯊魚咬人係收視保證？新片The Black Demon成Amazon Prime最受歡迎節目

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！