雅虎香港新聞 電影LOL︳宮崎駿《蒼鷺與少年》北美開畫成票房冠軍 拎住2個影評人大獎直衝奧斯卡
到底82歲日本動畫大師宮崎駿嘅作品《蒼鷺與少年》係咪「收山之作」？觀乎大師嘅熱誠同魄力，都真係好難講，喂！奇連伊士活93歲都仲搞緊新片啦。
更何況《蒼鷺與少年》叫好叫座，日本票房至今超過85億日圓，而剛過去周末喺北美開畫後，以1280萬美元成為票房冠軍，更加係首套日本動畫榮登北美票房之冠寶座。
除此之外，星期日公布嘅洛杉磯影評人協會大獎2023年得獎名單，《蒼鷺與少年》獲得「最佳動畫」獎項，加上上周紐約影評人協會頒發嘅最佳動畫，似乎《蒼》有望衝擊明年奧斯卡。除咗角逐最佳動畫電影之外，美國電影媒體IndieWire亦挑選《蒼》成為2023年必看電影之一，話唔埋可以爭埋最佳電影？而《蒼鷺與少年》嘅最大對手，相信會係《蜘蛛俠：飛躍蜘蛛宇宙》(Spider-Man: Across the Spider-Verse)。
宮崎駿3度入圍奧斯卡，2003年憑《千與千尋》獲得最佳動畫電影，2015年獲頒奧斯卡終身成就獎。《蒼》有望令大師20年後再度上台捧走最佳動畫電影獎座，唔知會唔會令大師再次靈感澎湃繼續創作呢？
更多電影文章
電影LOL︳《史密夫決戰史密妻》劇集版 冇型男索女兼探討婚姻與寂寞咁大膽？
電影LOL︳集齊一線大星 新片Average Heigh, Average Build拍唔成關氣候變化事？
電影LOL︳吳宇森新片Silent Night 男主角為啞巴角色禁言點知極速破功
電影LOL︳隻鬼成層樓咁高！全球首部IMAX泰國鬼片Death Whisperer沉浸式嚇死你
電影LOL︳羅拔唐尼「翻生」再演鐵甲奇俠救票房？Marvel高層正式落閘
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
