電影LOL︳拎完奧斯卡當堂有牙力 珍美李寇蒂斯終於促成《衰鬼媽咪》拍續集

憑《奇異女俠玩救宇宙》而奪得奧斯卡最佳女配角嘅Jamie Lee Curtis星光生涯超長，創造過唔少經典角色。好似《月光光心慌慌》系列，佢由1978年做到依家，45年來依然大受歡迎，繼續由佢擔正長拍長有！

但估唔到演過無數角色嘅佢，最念念不忘嘅竟然係青春喜劇《衰鬼媽咪》！套戲上映至今剛剛20周年，當年佢飾演人氣玉女Lindsay Lohan嘅媽咪，故事講述讀高中嘅女與心理治療師嘅媽媽互不理解，經常爭執係家常便飯。某個星期四晚，Anna（Lindsay Lohan飾演）同媽媽去食中菜，食食吓又同媽媽嘈交，期間2人食咗魔法幸運曲奇，點知第朝一覺瞓醒，2人竟然交換咗身體！

勁嚴肅嘅媽媽變身ROCK友，瘋狂買衫又飛車，而青春少艾突然勁正經，睇到旁人莫名其妙！不過阿媽就嚟結婚，為咗唔想代母嫁人，2人四出尋找還原方法，期間各自吐露心聲，母女終於冰釋前嫌，相親相愛。

《衰鬼媽咪》改編自1972年Mary Rodgers嘅青少年同名小說，當時迪士尼童星出身嘅Lindsay Lohan人氣超火又入屋，青春喜劇題材又健康，全球票房高收1.6億美元。喺無串流平台嘅時代成績相當可觀，成為一代人青春嘅回憶！

據報Jamie Lee Curtis唔止一次同迪士尼提議開拍續集，終於喺佢憑《奇異女俠玩救宇宙》得獎後成事。女主角Lindsay Lohan都會回歸拍攝，暫時未知續集故事內容，只知電影將會由Elyse Hollander編劇。

距離上集20年，怕且Anna都升格做阿媽，故事可能講哂老中青3代，盡攬各年齡層觀眾。中年入場重溫集體回憶，又可以帶埋仔女親子同樂，正呀喂！

更多電影文章

電影LOL 今期睇咩戲︳日麗／電子靈／鬼玩人：復活／潛眠叛變／緣來可以愛多次／指尖觸到的愛／來自雪國的遺書／驚天救援

電影LOL︳又一套長片名台片 《請問，還有哪裡需要加強》黑幫大佬洗頭洗到出……

電影LOL︳搶人才！DC主腦爆料︰會帶《銀河守護隊3》演員去拍新《超人》

電影LOL︳徐克版《射雕英雄傳》落實開拍 肖戰演郭靖 新人莊達菲演黄蓉被嫌唔夠俏？

電影LOL︳X-Men靈魂人物 神級韓裔漫畫家Jim Lee出任DC漫畫主席

電影LOL︳超多星助陣 蝙蝠俠Robert Pattinson新片演極變態殺人狂 搵說客推動修例務求再落手

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！