電影LOL︳金像獎效應 入圍電影串流平台有得睇

金像獎︳林家楝陪85歲謝賢上台領獎 網友問重點︰霆鋒呢?
金像獎︳林家楝陪85歲謝賢上台領獎 網友問重點︰霆鋒呢?

尋晚嘅香港電影金像獎頒獎典禮,已經係3年來首次實體頒獎禮。再次見返得獎者上台攞獎,再次見返多位前輩級電影人,突然覺得呢3年真係仿如隔世。最起碼,3年前要睇戲,多數去戲院。經歷一場疫症之後,而家多咗串流平台呢個選擇,想睇返得獎電影,唔駛好似以前咁去買碟睇,搵啱平台就OK!

Disney+

可以話係囊括最多得獎電影嘅平台,可以睇到最佳電影、最佳導演作品《怒火》,最佳女配角廖子妤、新演員王丹妮嘅《梅艷芳》;仲有新科影后劉雅瑟嘅《智齒》、獲11項提名嘅《濁水漂流》、最佳原創歌曲《一秒拳王》,仲有《除暴》、《拆彈專家2》及《狂舞派3》呢3套獲提名個別獎項作品。

Netflix

N記華語片單之中,台灣片比較多選擇。但係想睇今屆獲得最佳男配角嘅馮皓揚,點樣喺14歲就演到《媽媽的神奇小子》入面嘅少年蘇樺偉,就要開返個Netflix睇。另外陳健朗導演、林家棟主演嘅《手捲煙》都可以喺N記睇得到。

Amazon Prime

以中國女排靈魂人物郎平為題材嘅《奪冠》,喺內地串流平台有得睇之外,亦可以上Amazon Prime睇。但要留意套戲係以付費租賃形式收睇,要限時內睇完架。

NOWE

《殺出個黃昏》
《殺出個黃昏》

國際平台以外,由NOW開發嘅NOW E同樣有戲睇。要重溫四哥喺《殺出個黃昏》寶刀未老嘅演技,都可以上NOW E租套戲嚟睇。

更多電影文章

電影LOL.今期睇咩戲︳闔家辣 / 迷你孖媽/伊朗式審判

電影LOL︳《男兒當入樽》電影THE FIRST SLAM DUNK預告曝光勁吊癮 幾大疑團仲未解開

電影LOL︳外國00後著西裝去睇《迷你兵團2》成風潮甚至被禁入場 背後原因唔止為咗呃like

電影LOL︳上半年最高票房5大港產片 全部收唔過100萬 《壯志凌雲︰獨行俠》8545萬封外語片王

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!