電影LOL︳Lady Gaga演小丑女 霸氣劇照終於曝光

《Joker小丑》續集開拍咗一段時間,不過片商相當保密,暫時只知續集Joker: Folie à deux將以音樂劇呈現兼由樂壇天后Lady Gaga擔任女主角。導演Todd Phillips上個月喺自已ig post咗首張Lady Gaga劇照,不過由始至終都無正式確認過Lady Gaga嘅角色。

今集故事聚焦「小丑」與Harley Quinn喺精神病院(Arkham Asylum)相遇、相知再相戀嘅故事,精神病院係今集主要場景之一,早前民眾影到劇組喺新澤西州拍攝火燒精神病院,又有人喺洛杉磯影到Joaquin Phoenix拍緊追逐戲,佢被身穿杏色短褸「小丑」及紅色西裝綠色頭髮嘅「小丑」追,同場3個「小丑」,算唔算劇透?

日前劇組喺曼克頓開工,Lady Gaga嘅角色造型終於曝光!現場正在拍攝示威場面,同場有過百臨時演員扮演示威者這舉「釋放小丑」(Free Joker)、「小丑,娶我」(Joker Marry Me)等標語,而Lady Gaga由警隊保護下,一身霸氣咁行落樓梯。

照片可見佢面上化咗小丑眼妝、身穿紅外套內襯黑白格仔上衣,配黑皮短裙、絲襪及黑色短靴,造型有哂「小丑」元素,好有型兼睇唔出有幾瘋顛,同Margot Robbie版嘅七彩性感「小丑女」好大唔同!

場戲喺正檢察廳辦公大樓附近拍攝,難得實景拍攝,普通民眾可以睇到天后演戲好開心,不過附近返工嘅朋友就未必咁諗。近期因為調查前美國總統Donald Trump一案,檢察廳收到唔少恐嚇,搞到啲職員人心惶惶,檢察官Alvin Bragg要專登出通告俾員工拍攝會有爆破場面,聽到爆炸聲唔好慌張!Joker: Folie à deux預計於下年10月上映。

更多電影文章

電影LOL 今期睇咩戲︳殺神John Wick 4/龍與地下城:盜亦有道/戰地孤聲/微笑與夏溫/Love Life

電影LOL︳爛片王The Room大導Tommy Wiseau食夠老本 新片玩大白鯊越爛越開心

電影LOL︳《小熊維尼:血與蜜》香港突然取消上映 發行公司無原因解釋

電影LOL︳塔倫天奴收山之作?第十套作品拍70年代女影評人傳奇

電影LOL︳荷里活世紀爛片王The Room 居然都有人翻拍!

電影LOL︳楊紫瓊關繼威「全家」新劇重逢 《西遊ABC》吳彥祖演孫悟空

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!