My Sunshine尼日利亞拍嘅韓片 韓國網民激讚黑人演員韓文超流利︳電影LOL

韓流席捲全球，BTS、BLACK PINK紅到去外國開con都大把人睇，韓片《上流寄生族》贏埋奧斯卡，呢啲都係證明韓國流行文化有幾無孔不入。早排網上有人瘋傳一套黑人演出、講韓語嘅影片，原來唔係一條短片，而係片長75分鐘嘅網絡電影，而且係嚟自尼日利亞。背後故事，同樣展示韓流魅力。

呢套戲叫My Sunshine，係由尼日利亞女明星Kemi Ikuseedun自編自演，以校園愛情為題材，講窮家女主角拎到獎學金考入名校，然後對校園男神心動但又被另一男同學暗戀嘅故事。片中各人都有唔少韓語對白，仲要講到同韓星一樣，完全捉到韓語神緒。唔睇畫面，你以為自己開咗套韓片播。

Kemi Ikuseedun同同片其他演員都喺尼日利亞有一定名氣，絕對唔係玩玩下。作為My Sunshine創作大腦，Kemi 要求演員要學韓文，而且唔可以靠拼音噏咗句對白就算，係連語氣都要同韓國人講韓文一樣。演員會收到英文同韓文劇本，而片中學校佈景都有韓語海報、Tee等，務求似返韓片feel。Kemi本身真係韓劇迷，難怪My Sunshine故事咁似拍過韓劇嘅《花樣男子》，而喺尼日利亞，鍾意韓劇同K POP嘅並非少數。

My Sunshine 兩星期前已經上載到youtube，套戲喺尼日利亞唔算好大迴響，但對亞洲尤其是韓國人而言就好震撼，唔少韓國網民留言盛讚片中演員喺韓語方面下苦功。

更多電影文章

毒魔：終極一舞／奇蹟男孩外傳：白鳥小屋／把幸福拉近一點／跳越時空的愛戀／看不見的頂峰︳電影LOL 今期睇咩戲

涉強姦罪入獄 電影大亨Harvey Weinstein傳罹患白血病︳電影LOL

范冰冰主動爭取拍馬來西亞片 導演爆范爺金句「將我糟蹋成垃圾，我奉陪到底」︳電影LOL

索女Sydney Sweeney演女版Rocky操出麒麟臂 本尊女拳王一生極傳奇︳電影LOL

港產賀歲片得返2套臨時上陣 古天樂拍城寨四子臨危受命 對撼張繼聰主演賭片︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！