雅虎香港新聞 電影LOL︳奧斯卡前瞻 《犬山記》拎最佳電影有暗湧 等睇古天樂做金像監製
最佳電影提名名單：︰
《Belfast》
《心之旋律》（CODA）
《千萬別抬頭》（Don't Look Up）
《Drive My Car》
《沙丘瀚戰》（Dune）
《王者世家》（King Richard）
《Licorice Pizza》
《毒心術》（Nightmare Alley）
《西城故事》（West Side Story）
《犬山記》（The Power of the Dog）
用財經版嘅術語，《犬山記》嘅爭獎聲勢可以話係先升後回軟。畢竟今年一系列頒獎禮嘅競爭對手唔算多亦唔算特別，睇返其餘入圍嘅最佳電影 － 《Drive My Car》難以複製《上流寄生族》嘅成功，《千萬別抬頭》、《Licorice Pizza》呢類喜劇冇咩攞獎運（唔代表套戲唔好呀吓）。史匹堡近年同大會好多時意見相左，West Side Story難以發圍；年年都有大片拎好多技術類提名，但多數同最佳電影無緣，今年會係《沙丘瀚戰》；《王者世家》、《毒心術》有入圍當贏……一路殺落唔少大獎嘅《犬山記》仲唔十拿九穩？
有冇見我未數嗰2套戲？話說《心之旋律》嘅失聰演員Troy Kotsur早前喺演員工會大獎同英國電影學院頒獎禮都得獎，令到業界同觀眾留意返呢套戲，而金像獎評審終極投票都係呢期先展開，因此對《心之旋律》有優勢。甚至連外媒Variety都報導，《心》出品公司Apple 頒獎禮當晚會喺荷李活搞party，連Beyonce 同Jay-Z伉儷都到，似係預早慶祝。
另一方面，Belfast嘅出品公司Focus Feature，老細Peter Kujawski接受訪問時，Belfast都有機會問鼎最佳電影，同《犬山記》及《心之旋律》三強鼎立，賽果絕對有驚喜咁話。呢三套戲當中，又真係得Belfast以傳統形式戲院上映行先，會唔會因此得到保守派電影人嘅一票？
獎就得一個，依據今年其他頒獎禮賽果，《犬山記》得到多個最佳電影獎，始終稍為佔優。但係《心之旋律》得獎的話，千祈唔好覺得爆冷。
其他獎項方面，最佳國際電影以日本片Drive My Car呼聲最高，而挪威片The Worst Person in the World近期亦開始受注視。至於最佳動畫電影，大家都想古天樂監製嘅《一家人大戰機械人》攞獎，而早前喺動畫界頒獎禮Annie Award上《一》連奪8獎，似乎真係可以恭喜定古生！
更多電影文章
電影LOL︳奧斯卡女角獎項預測 妮歌潔曼廿年後再開齋要問過謝茜嘉 Ariana DeBose贏面大
電影LOL︳Netflix試行非同住者共用帳戶收費 以後隨時冇得開心share
電影LOL︳奧斯卡男角獎項預測 《王者世家》韋史密夫有望做影帝 男配角爭崩頭
電影LOL︳《高校18禁》人氣34D索女Sydney Sweeney加盟Marvel外傳電影《蜘蛛夫人》
電影LOL︳張家輝終於有新片 《新秩序》導演係《掃毒》古惑仔
電影LOL︳發夢靚妹變超級英雌 新劇Ms. Marvel預告片登場 6月Disney+上架
電影LOL︳Anson Lo盧瀚霆拍英國導演新片 夥日泰韓星卡士重慶大廈打喪屍
電影LOL︳古天樂監製《一家人大戰機械人》揚威動畫頒獎禮 大有機會拎埋奧斯卡？
電影LOL︳傳明珠台連續2年唔播奧斯卡 大會批准外地參加者免隔離
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
