電影LOL︳爆肌舞男再現 《光豬舞壯士》拍第3集準備收山？

《光豬舞壯士》(Magic Mike）又嚟啦，主角兼監制Channing Tatum喺自己IG曬劇本，宣佈開拍《光》第3集Magic Mike’s Last Dance，劇本繼續由Reid Carolin創作，大導演史提芬蘇德堡繼首集《光豬舞壯士》後將再次回歸執導！

首集《光豬舞壯士》於2012年上映，故事參照男主角Channing Tatum自身18歲喺加州做脫衣舞男嘅經歷，講Mike日頭做傢俬設計夜晚做極受歡迎嘅脫衣舞男搵抉錢，之後認識咗由Alex Pettyfer飾演嘅Adam，仲介紹埋佢入行做舞男。

《光》唔止一堆身材fit爆型男勁歌熱舞，電影仲講咗Mike面對愛情、友誼、追求理想以及被至親出賣嘅考驗，《光》票房、口碑理想，2015年再推續集《巨揪舞壯士》(Magic Mike XXL）講Mike收山3年，其他Kings of Tampa舞男兄弟打算退穩，誠邀Mike同佢咃做最後一次巡迴演出。

續集改由Gregory Jacobs執導，《巨》啲body及貼身舞場面更火辣，借脫衣舞男講人生道理，真係身心靈都照顧到，2集電影全球大收共3億美元票房，為咗繼續照顧廣大觀眾嘅身心靈，Channing Tatum將Magic Mike搬上舞台，Magic Mike Live先後於拉斯維加斯、倫敦、柏林、澳洲等地公演，近距離感受Magic Mike嘅威力！

導演史提芬蘇德堡正因為睇咗舞台版Magic Mike，感受到觀眾嘅熱情所以同Tatum商議開拍第3集。電影講明係Mike嘅「最後一舞」（Last Dance）會唔會意味今集係系列最終章？定係隨住Magic Mike退役而發展外傳故事？

詳盡故事要等下先知，唯一知道男主角Channing Tatum會繼續主演，未知有幾多位有型舞男繼續留任，或者有邊啲新血加入，不過「舞壯士」一定會保住招牌，集型男、勁舞、愛情、友情、人生道理於一身，睇到熱血沸騰！

更多電影文章

電影LOL．今期睇咩戲︳法蘭西諸事週報／只因我們天生一對電影版／劫券同盟／路易斯韋恩的迷幻貓世界／異度詭酒店／一直游到海水變藍

電影LOL︳賽車題材吸金勁 片商掟錢搶畢彼特新片搏做下套《狂野時速》

電影LOL︳極索邦女郎Ana De Armas踢走黑寡婦 新片拍美國隊長談情冒險

電影LOL︳又係改編！尼古拉伯爵助手故事照殺 《尚氣》Awkwafina拍尼古拉斯基治

電影LOL︳樊少皇演內地版Ironman《虛擬特攻》 中咗槍仲可以隻揪

電影LOL︳BL大熱！《如果30歲還是處男，似乎就能成為魔法師》拍電影版

電影LOL︳宮崎駿再次復出 新作《你想活出什麼的人生？》3年內有得睇

電影LOL︳演技男神Benedict新片演貓奴畫家 貓演員星級待遇 買重300萬保險

電影LOL︳蜷川實花執導 CLAMP作品《xxxHOLiC》真人版電影

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載