《職業特攻隊8》隨時再延期 因為2.3億元潛艇壞咗︳電影LOL

湯告魯斯Tom Cruise主演嘅《職業特攻隊》系列堪稱係長勝將軍，由1996年起拍咗7集電影版，合共成本超過10億美元，但總票房高達41億3千萬！去年暑假檔嘅第7集《職業特攻隊︰死亡清算上集》風頭被《芭比》同《奧本海默》搶晒，3億成本埋單收5億6700萬，要回本窄窄地。

而家仍未定名嘅第8套作品（暫稱《職業特攻隊︰死亡清算下集》／《職業特攻隊8》先），正在英國如火如荼咁開工。不過英國《鏡報》獨家爆料指，劇組一架價值2300萬英鎊（折合2.3億港元）嘅潛艇，懷疑因為美術部門加咗大量裝置入去而超重，喺沉降期間發生終於故障而要維修，估計令劇組要停工數以星期計，當然仲要駛好多錢去整。據報導，片商派拉蒙對呢單嘢好唔滿意！

明嘅，上集《職業特攻隊》票房未如理想，本來想拿拿聲收復失地，但係遇著去年夏天演員同編劇工會罷工，原定今年暑假上映嘅《職業特攻隊8》要去到下年（2025年）先至面世，而家仲要搞單咁嘅意外棘住！唔止派拉蒙想快手拍好套戲，連湯告魯斯都出手加快進度，早前有報導話靚佬湯喺英國倫敦拍緊《職業特攻隊8》時，為咗唔俾野鴿阻礙拍攝，佢居然帶隻鷹去開工趕鴿！

更多電影文章

芙莉歐莎：末日先鋒傳說／查無此人／小菊的世界／讓我們酒在一起／末路狂花錢／平行天空下︳電影LOL 今期睇咩戲

張藝謀失手之作《長城》登上Netflix十大 主角麥迪文話「套戲爛到連個女都串我」︳電影LOL

Pixar傳裁員14％ 減少原創串流內容推翻前老細方針？︳電影LOL

許冠文黃子華32年來首度合作新片《破．地獄》 唔搞笑講生死︳電影LOL

《九龍城寨之圍城》內地票房衝破5億人民幣 爬頭力壓主旋律片《維和防暴隊》︳電影LOL

蜘蛛仔湯賀蘭與黑人女演員合演《羅密歐與茱麗葉》被指唔襯 網民︰好似拳手互睥 ｜電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！