張藝謀失手之作《長城》登上Netflix十大 主角麥迪文話「套戲爛到連個女都串我」︳電影LOL

而家除咗留意票房之外，串流平台收視數字都要睇下。5月頭美國Netflix每周播放數十大作品之中，竟然見到張藝謀2016年執導嘅大片《長城》。

《長城》5月1日喺Netflix上架，有人睇唔出奇，但係奇在當年套戲都幾多負評，影評網Rotten Tomatoes得分只係35％，乜大家咁睇唔開，見到「新片」就狗衝？

《長城》係張藝謀直接同荷里活片商合作嘅電影，卡士雲集兩岸三地頂級明星劉德華、彭于晏、張涵予同埋「老是常出現」嘅景甜，荷里活代表有麥迪文同威廉迪科。《長城》得分唔高，票房都仲見得人，成本1.5億美元埋單全球收3億幾，當然好大部份來自內地。叫得《長城》，梗係同長城有關啦唔通拍飛越黃河咩？故事講一班僱傭兵要守住長城抵抗怪獸攻擊，聽落都覺得好有喜劇元素。（誤

講咗咁耐，到底《長城》有幾唔OK？主角麥迪文話佢個女唔係叫套戲做The Great Wall，而係The Wall。麥迪文問個女點解，阿女串佢「套戲一啲都唔great囉」，死未！麥迪文受訪時提到，投資方要求張藝謀改劇本，令到前文後理完全駁唔埋，麥迪文話當時就知套戲會係災難。

而張藝謀多年後都曾經喺訪問提到《長城》製作及創作過程中處處出現制肘，只係因為套戲會全球同步上畫，係中國電影打出國際嘅好機會，「老謀子」先夾硬接。辛苦晒！

更多電影文章

芙莉歐莎：末日先鋒傳說／查無此人／小菊的世界／讓我們酒在一起／末路狂花錢／平行天空下︳電影LOL 今期睇咩戲

Pixar傳裁員14％ 減少原創串流內容推翻前老細方針？︳電影LOL

許冠文黃子華32年來首度合作新片《破．地獄》 唔搞笑講生死︳電影LOL

《九龍城寨之圍城》內地票房衝破5億人民幣 爬頭力壓主旋律片《維和防暴隊》︳電影LOL

蜘蛛仔湯賀蘭與黑人女演員合演《羅密歐與茱麗葉》被指唔襯 網民︰好似拳手互睥 ｜電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！