【電影LOL】UA院線宣布全線結業 官方聲明︰痛心及艱難的決定

·3 分鐘文章
【電影LOL】UA院線宣布全線結業 官方聲明︰痛心及艱難的決定
【電影LOL】UA院線宣布全線結業 官方聲明︰痛心及艱難的決定

(9:45更新)

盛傳因財困而暫停運作的UA院線,今早於官方網頁刊登聲明,宣布即日起全線結業。內文如下︰

告別了,UA戲院!

紀愛華 (Ira Kaye) 先生於1985年在香港成立了UA戲院,三十六年來,UA陪伴著大家一同成長,走過不同的人生階段,度過了無數光影時刻,成為大家生活的一部份。

UA數十年來一直用心經營戲院業務,致力提供最優質和專業的戲院服務,竭誠地為顧客帶來極致的觀影娛樂。 可惜,由於疫情及長期的經營壓力,UA遺憾地宣佈於即日起 (2021年3月8日) 全線結業,特此向長期支持UA的顧客鄭重致歉。

這絕對是一個痛心及艱難的決定,我們衷心感謝每一位UA的顧客、同事和合作夥伴過去的鼓勵和支持。

珍重。

有網民拍得UA戲院門外亦貼出該份聲明。

【電影LOL】UA院線宣布全線結業 官方聲明︰痛心及艱難的決定
【電影LOL】UA院線宣布全線結業 官方聲明︰痛心及艱難的決定

------------

一場疫情令各行各業元氣大傷,停業多月嘅戲院亦大受影響,今日傳出在香港經營逾30年嘅UA院線疑似結業!事緣有網民發現UA戲院嘅網頁及APP無哂放映場次,跟手直頭上唔到,連UA母公司立基集團嘅網頁都一樣。如果係技術故障,理應係公司嘅社交媒體有公佈,不過暫時冇update,似乎唔止技術問題!

原本網民發現UA院線網頁已經無晒電影場次,但最新情況係直情開唔到
原本網民發現UA院線網頁已經無晒電影場次,但最新情況係直情開唔到

香港政府放寬防疫措施,戲院喺2月18日重開,UA仲大大力推會員優惠,社交網頁亦不停出電影post,絲毫未見結業嘅蛛絲馬跡。據電影界消息網頁「講鏟片」透露,UA戲院員工星期日收到人事部通知,星期一唔駛返公司,叫哂大家去灣仔聽講座。如果消息屬實,一眾員工應該幾傍徨。

疫情打擊之下,另一大院線百老匯旗下嘅The One及MCL康怡都有欠租,但係UA院線似乎更為嚴峻,屢次傳出有財務困難,上年8月分別被銅鑼灣時代廣場及九龍灣淘大商場嘅業主入稟追討欠租。UA院線由全港第2大院線越縮越細,早幾年接連無咗最搵錢、票房最高嘅朗豪坊戲院(現由Cinema City營運),時代廣場戲院由地下位置被搬上13樓,而太古城中心就轉由百老匯旗下Movie Movie Cinema營運。無咗幾間人流勁旺嘅戲院,整體收益勢必有影響。

原本尖沙咀iSquare IMAX戲院完約後轉戰同區K11 MUSEA高貴靚場,據聞鉅額投資一心打造UA K11 Art House成為旗艦店,開業初期大力宣傳,可惜遇上疫情,結果開業不足一年就將戲院易手俾MCL院線。現時UA院線得返UA青衣城、UA MegaBox、UA Cine Moko、UA 淘大及UA 東薈城。

UA母公司立基集團網頁同樣未能運作
UA母公司立基集團網頁同樣未能運作

UA院線嘅母公司立基國際集團仲有經營餐廳、十字奶及Cityline購票通等業務,到底只有院線受影響,定係有更大變動,唯有等官方公佈。

更多電影文章

【電影LOL】今個星期睇咩戲 《疑.媽》《好好拍電影》《90分鐘驚濤械刧》《反轉三國志》

【電影LOL】迪士尼又翻新經典 《木偶奇遇記》Joseph Gordon Levitt聲演蟋蟀仔

【電影LOL】大導David Fincher 夥拍《七宗罪》編劇 幫Netflix拍暗黑新片The Killer

【電影LOL】港產抗疫電影《總是有愛在隔離》預告片見街 張繼聰張智霖肉帛相見 方力申呼吸困難

【電影LOL.金球獎2021】「黑豹」Chadwick Boseman榮膺影帝 趙婷成首位華裔女性奪最佳導演

【電影LOL】派拉蒙加入串流大戰 《職業特工隊7》上畫後個半月有得睇

【電影LOL】BTS新紀錄片 BTS: Global Takeover展現天團上位之路 ARMY必睇!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!