雅虎香港新聞 九龍城美食︱米線控店主開舖 招牌麻酸辣湯底最平$47食到 仲有必食和牛米線
九龍城這間米線店以四種材料炒成麻辣醬加豬骨湯成湯膽，配招牌炸豬扒最平$47蚊就食到！店中亦有一款$149一碗的日本和牛米線，值唔值得試？即睇Yahoo Food專訪：
「唔想米線永遠俾人一種只配平價食物嘅感覺，如果日本拉麵可以做得精緻高級，點解米線唔可以用靚料？」米線伝店主 馬先生
說香港米線店就快多於便利店難免誇張，但若說香港地隨街都找到一兩個米線專家，一星期最少食四、五餐米線的米線控，就一點都沒誇大。最近在「小泰國」九龍城竟然找到間心機米線小店「米線伝」， 店主馬先生因工作關係長期遊走於內地城市，對一碗米線的麻、辣、酸味甚有要求，他在坊間遍尋不獲心水米線，決定落手落腳自己做。
👉🏻全新Yahoo Food Instagram上線啦！立即Follow獲取更多飲食攻略
「米線控」店主 為開店自學炒麻辣醬
馬先生不是大廚出身，他對米線的認識全來自個人經驗。「 香港不少米線舖的煮法都因應香港人口味而調節了，譬如我在國內吃的麻辣湯底，麻味濃郁有層次，酸得有勁。簡單把香料撞入豬骨湯中，已經非常好吃。」 自稱為米線控的他不敢說吃勻港九新界所有知名米線舖，但哪間有心機有誠意，他自問心裡有數。對於米線的煙韌度，湯底的麻味，辣味平衡，他也有一套標準。早在打算開米線店之前，馬先生已經會從由國內買齊香料，再上網找食譜，在家中試煮麻辣米線給朋友吃，反應比他預期中好，間接鼓勵了他膽粗粗開舖賣心水米線。
即肥牛加牛丸，牛丸用老字號「振興」，配麻酸辣湯底。
招牌麻酸辣湯 全店最貴 $148/碗A5和牛米線
靈魂湯膽，用豬骨煲成，每煲最少用四斤豬骨，心機位是煲內的豬骨會在煲一段時間後取走，再加新的骨，馬先生說：「如果豬骨煲太少時間 ，骨不會出味，但若然煲得太久，就會令湯汁混濁，所以湯內的豬骨都要定時加減，湯膽又會每日去除雜質。」主角麻辣醬，成份是秘密，馬先生透露以四種香料自己炒成，希望料中的麻及辣都有勁道，卻不會互搶。至於酸香，則靠由國內入貨的酸菜提供。首次來到試招牌菜，首選高峰時每日可賣過百碗的「牛魔王」，標榜牛丸用老字號振興牛丸；肥牛都有心機，以小火，慢煮三十分鐘而成，肉片入口腍滑，吸了帶麻、酸、辣香的湯汁， 塊塊惹味。如果你自問是肥牛死忠粉絲，又捨得吃，可一試這裏$149蚊／碗的A5和牛米線。
最店最貴！每日限6碗左右，A5和牛只放在湯面，肉色粉嫩。
米線都做得如此矜貴，這想法是因為馬先生一直認為「唔想米線永遠俾人一種只配平價食物嘅感覺，如果日本拉麵可以做得精緻高級，點解米線唔可以用靚料？」他說。 $149／碗，沒錯當然好貴，但浸煮在麻辣湯中A5和牛，粉嫩帶油香，入口的享受又真的非普通肥牛可比，牛迷一定滿足。
以自製的桂花蜜汁炒上雞翼身，皮脆肉微甜，與麻麻辣辣的雞翼幾夾。
最平$47都食到招牌麻酸辣湯底加炸豬扒，是不少街坊的首選。
最平$47食到招牌豬扒米線
除了已配搭好的款式，米線也可以車仔麵剔紙仔形式續款揀。最平$47蚊就食到招牌豬扒配埋酸辣米線，大碗抵食。小食都有心機，雞翼不是大路的土匪或蜜糖，而是自己調制的桂花蜜醬，在鑊中快炒雞翼上汁，隻隻入口香甜。另一驚喜位時這裏竟然有懷舊港式冰凍菠蘿，食到成口麻麻辣辣想解辣消暑，咬一啖菠蘿冰，又凍又多汁，從來無諗過酸辣米線 米線店可以找到這個過癮配搭。
魚皮浸到麻辣湯中浸至「滋滋」聲，好新鮮！
踩單車時必食的菠蘿冰這裡也有，食完一整碗麻辣麵，嘆一塊冰菠蘿，解暑又解渴。
米線伝
地址：九龍城獅子石道84號地舖 (地圖按此)
電話：6323 8411
全新訂座平台「Yahoo訂餐廳×Openrice」正式上線！
更多九龍城美食推介
九龍城美食｜高級日本料理三和敘推菜嘗味餐單 食盡日本時令海鮮/免費送720ml清酒
九龍城重建︱六十年歷史粥店添財記 第三代傳人：我一定想繼續喺九龍城做
九龍城第一代泰菜館黃珍珍專訪 老闆40年來看透城寨變遷 差一步成為首間上市泰國菜?
九龍城重建︱廿六年新城潮州飯店 摩打手炒反沙芋 老闆：加租比重建影響更大
九龍城重建︱開業五年川菜館 店主：未開始重建 區內人流已經減少
九龍城街市重建〡九龍城街市必買必食7大推介！玲姐新鮮雞/手切靚肥牛/樂園西多士
九龍城美食│日式居酒屋原鍋上煙燻Pizza 必試厚切煙燻日本豚肉
九龍城$388 大閘蟹+台式小吃放題 任食多膏大閘蟹、肥美蚵仔滷肉飯
【公和結業】九龍城公和荳品廠9月結業！另有8間老字號豆腐花店推介
【九龍城美食】半世紀老字號豆腐舖 義氣五妹：「我走咗邊個幫佢呀！」
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
