雅虎香港新聞 九龍城重建︱六十年歷史粥店添財記 第三代傳人：我一定想繼續喺九龍城做
「真係有客人眼紅紅，叫我哋唔好唔做呀。」添財記老闆 寶哥
人情味，聽上去總是虛無。怎樣才是人情味？老店就一定有人情味嗎？來到九龍城龍崗道粥店「添財記」，先不說店有幾多年歷史，但近乎過半客人進店，一聲聲「群姐」、「張太」、「權哥」、「傑哥」、「陳生」此起彼落，老闆寶哥和伙記都叫得出名字。「今日放假喎」、「呢排少見你嘅？」街坊式閒聊，絕不是逢男人都叫「靚仔」那種罐頭式問候可比，如果這都不是人情味，怎樣才是？
【立即讚好】全新 Yahoo Food Facebook 專頁
吃的不是情懷 是準確火喉
店如其主，老實低調，問老闆寶哥，添財記在九龍城紮根多久？「阿爺一九五幾年由擔挑檔開始搬入九龍城，到而家超過60年喇，實際上係五幾年？我都唔記得，我哋一向唔係賣歷史嘅。」 寶哥補充「不過超過60年舖喺九龍城，真係冇乜喇。」他強調，小店靠的是味道，不是情懷。
像招牌粥品，由寶哥爺爺，到他爸爸，再到他哥哥們這代，再到他在2015年接手，都是傳統方法熬製。「其實唔係咩秘密，但就好需要心機。關鍵是煲粥一定要全程大火，但太猛火又易燶。點樣可以唔燶？就要靠控制火侯，有時細啲火，有時大啲火。」火喉準繩，加上食材新鮮，就是寶哥口中的傳統煮法。招牌魚片牛肉粥，粥綿帶甜，鯇魚片去骨連皮，薄切嫩滑，牛肉軟腍有口感，實而不華，就是街坊熟客多年最愛。
神級熟客周潤發 愛吃魚片牛肉粥
「傳媒都報道過啦，發哥(周潤發)最鍾意就係咁叫，一碗魚片牛肉粥，一碟炒麵。」眾所周知，添財記是發哥喜歡來吃早餐的小店，對於這神一般的熟客，寶哥沒有誇大其詞。「都係你哋傳媒問我先講。」也的確，環顧店內，一張發哥合照也找不到。「唔想咁樣做宣傳」寶哥說。
希望細水長流 承傳手藝
不過，有些消息不是說低調就能低調，像今年5月時，市建局宣佈的「九龍城衙前圍道/ 賈炳達道發展計劃」，很快便傳進街坊熟客耳中 ，即時引來反應。「真係有客人眼紅紅，叫我哋唔好唔做呀。」對於小店現址正是被選中的重建地段之一，極大可能要另覓新址。寶哥態度審慎樂觀：「老實講，而家無太大諗法，因為時間太長，太多未知數。不過可以肯定係，我一定想繼續喺九龍城做，我心願係舖頭可以細水長流，希望下一代肯接手，傳承手藝，好似日本匠人精神一樣，愈做愈精。」
寶哥估計「到時一定會少好多街舖，我哋對於入唔入商場，暫時無諗法。但都好想做返地舖，咁先保留到我哋特色。」語音未落，又見店員搭了條油炸鬼給熟客。「買二送一呀今日」， 試問如果因為重建而趕走了九龍城這種人情味小店，最後損失的，會是誰？
添財記
地址：九龍城龍崗道35號地舖(地圖按此)
電話：23839664
全新訂座平台「Yahoo訂餐廳×Openrice」正式上線！
更多九龍城美食推介
九龍城第一代泰菜館黃珍珍專訪 老闆40年來看透城寨變遷 差一步成為首間上市泰國菜?
九龍城重建︱廿六年新城潮州飯店 摩打手炒反沙芋 老闆：加租比重建影響更大
九龍城重建︱開業五年川菜館 店主：未開始重建 區內人流已經減少
九龍城街市重建〡九龍城街市必買必食7大推介！玲姐新鮮雞/手切靚肥牛/樂園西多士
九龍城美食│日式居酒屋原鍋上煙燻Pizza 必試厚切煙燻日本豚肉
九龍城$388 大閘蟹+台式小吃放題 任食多膏大閘蟹、肥美蚵仔滷肉飯
【公和結業】九龍城公和荳品廠9月結業！另有8間老字號豆腐花店推介
【九龍城美食】半世紀老字號豆腐舖 義氣五妹：「我走咗邊個幫佢呀！」
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
