雅虎香港新聞 創業推爆紅多口味Tiramisu原來係對市場妥協？前米芝蓮三星餐廳甜品師：天真覺得香港仲有人識貨
Lemongrass Bakery在九龍灣雖然是間不起眼的Pop Up Store，但原來就連Mirror成員Jer的Cafe與這個品牌都有合作！話事人更大有來頭，即睇Yahoo Food專訪：
「我會稱自己衰天真，仲有個夢想。」Lemongrass Bakery創辦人King Poon
認識到Lemongrass Bakery，其實是機緣巧合下在他們九龍灣Pop-up Store買了一盒伯爵茶口味的Tiramisu，除了口感幼滑，層次豐富還包含近年大熱的麻糬，讓我大為驚喜。在上網翻看資料後，才發現原來品牌主理人是數年前少有名氣的「蛋撻王子」King Poon，絕非等閒之輩。
【立即讚好】全新 Yahoo Food Facebook 專頁
廚魔賞識到蛋撻王子 預支人工先開到工
King除了曾出甜品書，更曾受到廚魔賞識，擔任當年還是米芝蓮三星餐廳Bo innovation的甜品主管，實力無容置疑。可惜年少得志，在最風光時他跌入騙局，甚至要上法庭打官司，數年過去他重拾旗鼓，繼續努力在甜品界發展，試過與「香菜先生」合作推出大熱的芫茜月餅、做甜品顧問開店⋯⋯看似一切上軌道時，影響全世界的疫情卻開始了，但這個經歷過大風大浪的甜品師卻在這時決定開Lemongrass Bakery。
「喺2021年年頭就有開Lemongrass Bakery嘅諗法，主要想供貨俾酒店，因為疫情已經令大家無嘢做，咁不如試下自己搞啦，但當時無諗過環境會差成咁。」回想當時的苦況，King不禁苦笑，「當然好多阻攔令2021年年尾先開到業，嗰時好多同事喺上一間公司都未必收足糧，頭一兩個月我哋要預支糧俾佢哋，先可以開工。」他坦言如果自己願意打工，收入分分鐘比創業更高，「我亦都唔洗落場做。」但King卻執意繼續嘗試創業，「我會稱自己衰天真，仲有個夢想。」
「希望大家明白點解件餅或者蛋糕會好食……但好多人可能會諗因為係過江龍所以好食，又或者係用咗貴牛油。」Lemongrass Bakery創辦人King Poon
過江龍用Cheap食材卻被追捧 天真望有人識食
King所說的夢想，是希望令香港人更加了解甜品的世界，「天真嘅係，我覺得香港仲有人識貨，雖然十個都無一個。」他表示，「希望大家明白點解件餅或者蛋糕會好食，可能係水源、技術，未必一定係貴先好食，但好多人可能會諗因為係過江龍所以好食，又或者係用咗貴牛油。」在甜品界十多年，King看破不少過江龍的真面目，「有某啲日本品牌嚟到香港，其實都係用返香港食材，甚至係最Cheap嗰種。」他無奈地表示，偏偏這種過江龍卻得到不少人追捧，「但我依然相信有人會識食。」King說。
為了推廣自己喜愛的口味，King定期推出不同的件裝蛋糕，今期為「禁果」，除了賣相跟口味都是以鮮果為主，每層都有4至5層的配搭，而且味道做到酸甜平衡，不會只有一味的死甜，入口順滑，層次複雜，絕對是吃得出的用心之作。包裝盒更特意找來設計師設計成港式水果盒包裝，紙盒放入雪櫃中也不變軟身，成本較平日蛋糕盒貴。
花瓣由人手一片片貼上去，賣相極為立體精緻。
分別有香蕉、士多啤梨、桃等多款口味的蛋糕，買齊6款即可有特色包裝盒。
而在設計蛋糕前，他都會以食材為主，之後才考慮成本，「有時候未必一定要賺夠75%，可能賺少少，喺其他產品再攞返個平衡，咁有啲產品點都要出下㗎嘛。」King笑道，樣樣都以品質行先，成本貴又不願加價，難怪他笑言做餅師不會搵大錢。
入面有72%朱古力慕絲、柚子果醬、花生果仁糖跟朱古力杏仁蛋糕，開頭會品嚐到濃郁但輕盈的朱古力味，隨後再有酸甜的柚子漿流出平衡甜度，加上口感十足的花生果仁糖，每啖都是不一樣的驚喜。
同Jer合作推蛋糕 按商場要求賣蛋糕變賣麵包
亦是King這種藝術家性格，吸引到Mirror成員柳應庭（Jer）旗下咖啡店Root亦找King合作，負責供應咖啡店內所有蛋糕，「Jer係個好好嘅客人，佢俾好多自由度，大概試食咗兩次就OK。」King說。
但並非每件事都可以如此隨自己意願，作為老闆，King都為市場妥協了不少事情，好像現在流行的巴斯克芝士蛋糕跟Tiramisu，並非他一開始想推出的產品，「一開始係見好多批發客人攞貨，咁咪試下自己又賣下，點知真係整幾多賣幾多。」雖然高興為公司帶來多一筆收入，但King亦有點無奈，「我覺得可能係大家中過嘅伏太多，所以唔敢試新嘢，所以揀返啲簡單嘢。」
有多層配料，加入自家製麻糬，軟腍又不會太黏牙，另外有原味、伯爵茶跟焙茶。
設有少見的芋頭味、朱古力、焙茶跟伯爵茶味，芝味濃郁，口感細膩。
接下來品牌會推出韓式爆漿芝士麵包，King笑言亦是按商場要求，「商場話麵包賣得好，希望我哋都賣⋯⋯」雖然製作麵包跟蛋糕是完全不同的步驟，麵包需要時間發酵，而蛋糕則可以透過雪櫃急凍去增快過程，儘管如此，King亦嘗試滿足商場要求，更並非Hea做而是盡力做好。這款爆漿芝士麵包一咬開，濃厚的芝士醬就充斥着口腔每一處，質素不比知名麵包店要差。
設煙肉洋蔥、香草蒜蓉跟粟米火腿三款口味，除了表面有大量羊奶芝士，中間亦有滿滿的軟心芝士醬。
King表示，儘管現在市面上人流變多，但經營Pop Up Store卻相對變難，「因為人流多咗，商場自然會揀客，租金都相對會上升，但我哋亦唔會再加價，將成本轉向顧客。」King苦笑，即使由顧客口味至成本上漲，過程起伏不平，工作不再單純簡單，但他亦無悔，「我十幾年前入行，就係鍾意甜品師呢行可以不停變！」在香港無論生活或是創業都從不是易事，但最難的還是堅持，而在我們看不到的各行各業中，依然有不少人咬緊牙關努力地堅持下去，只為實現心目中的理想，充心希望King的努力與天真可以獲得更多人欣賞。
Lemongrass Bakery（Pop-up Store）
地址：九龍灣偉業街33號德福廣場一期地下 Venue CAl-B（地圖按此）
電話：從缺
營業時間：11:00am-09:00pm
常見問題
問：九龍灣有甚麼午餐推介？
答：九龍灣一冰廳為高質茶餐廳，招牌有新鮮粟米忌廉通粉……詳情按此
問：九龍灣有美食廣場嗎？
答：在德福二期有美食廣場Foodeli，集合10間特色餐廳……詳情按此
全新訂座平台「Yahoo訂餐廳×Openrice」正式上線！
更多九龍灣美食推介
九龍灣美食︱型格川菜「川公館」抵食重慶豆花烤魚+啤酒煮小龍蝦
九龍灣美食︱上樓日式洋食屋 抵食午餐$63壽喜燒牛肉溫泉蛋飯
九龍灣美食｜一人薄餅專門店！推介四重芝士pizza+足料意式肉腸
九龍灣美食｜元朗燒賣皇后妙舒進駐淘大花園！$12/5粒自家製香菇豬肉燒賣＋秘製辣醬
【九龍灣美食】九龍灣午餐高質茶餐廳 新鮮粟米忌廉通粉/手撕雞湯咖喱/咖喱蛋包飯
【九龍灣外賣】Deliveroo戶戶送九龍灣首設戶戶小廚 消費滿$200享75折優惠
【九龍灣火鍋】犇殿台灣火鍋任食火鍋放題 $178起食盡回本靚牛
九龍灣美食廣場Foodeli午餐推介10間 限時全單8折優惠
MUJI無印良品九龍灣旗艦店開幕！全港最大分店：日本食材/茶米/手造麵包
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
