雅虎香港新聞 土瓜灣美食︱四十年歷史糖水舖甘露甜品 老闆娘：我口頭禪就係要做到拆樓為止
土瓜灣這四十年歷史甜品舖，店主蘭姐見盡區內變遷。服務街坊多年，她現時非常享受每一日，只想做到有一日拆樓為止！即睇Yahoo Food專訪：
土瓜灣小店多，若要論資排輩，美景街「甘露甜品」一定是家族中的大長輩。四十年，同一舖位，同一店主，蘭姐1983年入舖，由糖水賣到魚蛋、魷魚、車仔麵。上年市建局公佈的土瓜灣「明倫街／馬頭角道發展計劃」，影響範圍雖然距「甘露」尚遠，但作為同住了土瓜灣四十年的她，講感受，說想法，她絕對有資格。
「你睇啲客企喺門口慢慢嘆，咁多年都係咁。如果重建後無哂街邊小食店，點會再有呢回事？我覺得呢種風味值得被保留。」甘露甜品老闆娘 蘭姐
【立即讚好】全新 Yahoo Food Facebook 專頁
「最怕社區守望相助的氣氛會消失」
「在我立場，當然不想重建。收地重建後社區會變成點，你睇觀塘裕民坊就係一個例子。小店無哂，社區特色無哂，會變成基層小市民難以負擔的社區。」不過比起物價，蘭姐更看重街坊鄰里間的關係。「我最怕社區守望相助的氣氛會消失。好似抄牌，我哋店主隔三四個舖位，都會大叫一聲，互相溫馨提示。試想下，如果唔係地舖小店，邊可以咁？」蘭姐續說：「有時麵包店有賣不完的麵包，都會直接放我哋門口，我哋會幫手派。又或者貓貓罐頭轉贈有心人，好多嘢都係講一句就得，大家關係好好。」蘭姐說時剛好有熟客點了魚蛋及牛柏葉，「你睇啲客企喺門口慢慢嘆，咁多年都係咁。如果重建後無哂街邊小食店，點會再有呢回事？我覺得呢種風味值得被保留。」
至於實際上按市建局公佈的重建計劃範圍，即俗稱「土瓜灣五街」一帶，蘭姐也略知一二：「以前租樓時去睇過，的確係比較九曲十三彎，附近好多車房，樓齡都舊。同我哋呢邊係有分別。你問我擔唔擔心將來會重建到甘露呢邊，暫時我就唔太擔心嘅。」
由$2.5蚊碗做到 $21碗 由糖水賣到魚蛋車仔麵
居住四十年，開舖又四十年，連八號風球十號風球都照常營業，蘭姐當然看盡土瓜灣變遷。由八十年代工廠蓬勃，行人路中間都放滿木枱做大排檔，到97年後本地工廠業息微。「工友走哂，單靠糖水，唔夠生存，先開始加賣魚蛋腸粉牛雜魷魚等，好在熟客都鍾意。」再去到近年的國內自由行美食團，今時今日，仍然由開舖(下午一時左右)，做到收舖(凌晨十二點)的她自言：「最辛苦嘅階段都過咗，而家有阿仔幫手，我每一日都好享受返嚟，見到熟客，吹下水傾下偈，因為近年香港人鍾意搵本土情懷美食，又多咗區外人、後生仔嚟食，我由$2.5蚊一碗糖水做到依家，最開心都係客人欣賞，覺得你啲嘢好食。」
招牌喳咋 綠豆沙 麥米粥 「希望做到拆樓為止」
好食背後，啖啖是心機。「甘露」的糖水做法四十年不變，都是蘭姐當初跟叔公擺檔時學得。招牌喳咋，蘭姐說「最緊要足料」，紅豆、眉豆、三角豆，這三款就要煲最耐，一定要先煲，再加芋頭、西米、椰絲，熬足兩小時多，芋頭剛剛好，不會糊爛，保持咬口。還有現時已經交由仔仔Sam操刀的合桃露及芝麻糊，合桃要先烚煮，炸時要夠透徹，內外都炸到金黃色，否則磨出來的糊就不夠味。Sam說炒芝麻時，要眼看(黑芝麻會彈起)，又耳聽(會有輕微卜卜聲)去確保芝麻炒香而不過火。
還有蘭姐最愛的麥米粥，用大粒的「大提花生」，加麥米及糯米熬成，煙韌好嚼，坊間糖水舖已經不易找到。「而家無乜人做㗎喇，要食就真係要珍惜。」蘭姐一邊夾車仔麵配料，最後補充一句：「不過重建唔重建都好，好似我多年口頭禪一樣，我都希望做到拆樓為止。」
甘露甜品
地址：土瓜灣美景街 50 號(地圖按此)
電話：23633835
全新訂座平台「Yahoo訂餐廳×Openrice」正式上線！
更多土瓜灣美食推介
土瓜灣食廈新派中菜「聚聚」 火焰鹹豬手+煙燻豉油雞+一人椰皇花膠
楚撚記大排檔土瓜灣總店搬大舖 每日半價試新菜＋$99生啤放題 蒜蓉粉絲蒸元貝皇/拔絲焦糖香燒脆腩仔/鮮味黃金時令蟹粥
土瓜灣漫花燈火OMG萬花筒七彩打卡餐廳 流心竹炭撻+夢幻tea set+雲朵造型麻糬
鴻福海鮮四季火鍋月底結業土瓜灣老店 獨特炭爐風味 曾成《無間道》場景
土瓜灣美食│小巷高質地道泰菜 泰籍大廚坐鎮 $58濃厚咖喱雞麵
【土瓜灣美食】棄澳洲賭場高薪返港開中菜館 主打懷舊+創新粵菜 必食芝麻雞
【土瓜灣美食】$184/人金蠔雞煲！任食烤魚煲/海鮮/靚牛/麻辣四寶
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
