雅虎香港新聞 封殺舞台劇獎｜戲劇協會開記招反駁藝發局 會長：咁真誠嘅頒獎禮都觸礁，咁點做創意？｜Yahoo
【Yahoo 新聞報道】香港舞台劇頒獎禮遭到雙重封殺，香港藝術發展局停止資助活動，康文署亦拒絕提供場地。主辦單位香港戲劇協會今（19 日）以「再三要求藝發局澄清對劇協指控」為題召開記者會。會長馮祿德指希望維護劇界尊嚴及權益，認為藝發局的指控是「閃爍其詞」，嚴正要求藝發局收回指控，「我哋都有聲譽、有尊嚴」。
馮祿德：尊子、蔡玉玲本身並無抵觸法例
藝發局昨（18 日）指，上屆頒獎禮「偏離」以往做法，邀請文化藝術界外的頒獎嘉賓，即時事漫畫家尊子及前港台記者蔡玉玲，又指兩人以「紅橋」、「紅線」為話題：「本局不能苟同，有必要決斷作出下調資助的決定。」
馮祿德今在記招上回應，尊子的職業是漫畫家，「漫畫唔係藝術咩？」而蔡玉玲亦有作紀錄片編導，「電影唔係藝術咩？」過往劇獎亦有邀請化妝、時裝、體育及新聞界精英任頒獎嘉賓，「我哋沒有偏離主題，係合法、合理、合情」。他強調「請佢頒獎唔係交心，唔等於係完全認同佢哋立場，即使立場不同亦應該尊重」，亦指尊子及蔡玉玲兩人本身並無抵觸香港法例。他指藝發局亦有委託專家作藝評報告，該報告並無提及上述問題，而藝發局公佈對劇場的指控後，亦無上訴機制，令劇協感到辯解無門。
對於藝發局指劇協並無主動與局方商討就定下頒獎禮主題及頒獎嘉賓，馮指過往仍與香港電台合作舉辦香港舞台劇獎時，從無被要求事先將計劃通報局方，或需先讓局方得知或批准劇獎主題及頒獎嘉賓等。馮續指早在數年前第 28 屆舞台劇獎已有不同主題，當中包括「一團火」、「Moving Forward」、「團聚」，而上屆主題則為「勇氣」。
就藝發局批評邀請上述兩人頒獎以引起公眾及媒體注意，馮反問：「咁樣引起公眾注意係邊個做？今次係佢哋（局方）自己做，我都戥佢遺憾」。他亦慨嘆：「究竟條線喺邊？咁寬容、真誠嘅頒獎禮都觸礁，咁點做創意？」他指現時尚未考慮未來頒獎禮形式，但強調方向及精神不滅，「合法、合情、合理，唔會畀人口實」。
莊梅岩：原來藝發局小氣到呢個地步
劇作家莊梅岩則在記招上指，對藝發局取消資助感到失望及憤怒，「佢哋唔顧全業界感受，亦都唔顧全公眾點睇佢打壓我哋⋯⋯我哋只能示範一次，原來藝發局係小氣到呢個地步……對於我嚟講佢哋（局方）就係更加醜陋」。她慶幸劇場人在創作上仍然有火，「我哋仲會捱到，覺得業界仲行到，睇你點行」；亦有會員主動伸出援手，「好多謝佢哋好團結，同埋證明我哋做嘅嘢係無錯，我哋會繼續用唔同嘅行落去」。但她指對未來創作仍有憂慮，「兩三年前喺創作嘅自由已經收窄咗……心痛年青藝術家喺呢種打壓嘅陰霾底下會妥協」。
對於尊子及蔡玉玲成為頒獎嘉賓而被「點名」，莊稱：「原來佢哋唔鍾意邊個，我哋同佢玩，佢哋都可以執住一兩個人去懲罰我哋」，莊梅岩認為如此針對部分人士實屬欺凌，「我唔會同佢哋一齊欺凌」。
【相關報道】
封殺舞台劇獎｜記協質疑尊子及蔡玉玲身份遭針對 致信藝發局表達強烈關注｜Yahoo
封殺舞台劇獎｜劇協聲明逐點反駁藝發局 促撤回指控免窒礙藝術發展｜Yahoo
封殺舞台劇獎｜戲劇協會開記招反駁藝發局 會長：咁真誠嘅頒獎禮都觸礁，咁點做創意？｜Yahoo
封殺舞台劇獎︱ 藝發局點名上屆主持尊子、蔡玉玲 斥以紅橋、紅線為話題不能接受︱Yahoo
封殺舞台劇獎｜藝發局：已審慎討論頒獎禮不尋常安排｜Yahoo
