雅虎香港新聞 港產飲品｜「香港酒造」元朗種米釀清酒 中佬半途出家務農：香港農業有得做
【Yahoo 新聞報道】香港農業一早被視為夕陽行業，有兩個中佬卻中年創業，選擇「務農為生」。他們利用可持續方式「魚農共生」，利用自家種植的農作物釀酒，系統中養殖的鱸魚也可供出售。兩名中佬笑言，務農生活比想像中輕鬆，希望吸引更多新血加入，令香港農業復甦。他們的目標是利用自家產品連結香港農業與港人，並進一步連繫世界各地。
記者：Carmen C.
攝影記者：Davies, H.H.
「農業唔係我哋認知咁辛苦同無錢搵」
不少創業故事圍繞「年輕唔怕輸」的主調，但Tom和Nick創立「香港酒造」時已年近半百。他們的目標很明確，Tom說：「我哋真係好少數做農業，係唔講情懷嘅，我哋係講生意」。Tom本身從事品牌推廣、另一創辦人Nick以前任職商業策劃，過往亦因工作關係，做過關於漁農業、街市等範疇的研究，發現「農業唔係我哋認知咁辛苦同無錢搵」。
「大家對農業一直以嚟嘅印象，已經超越咗夕陽行業，已經係死亡行業㗎喇！」Tom笑說一般人認為務農是「退休先會做、得閒先會做」，但他們經過研究後，卻發現「有得做」，希望可以發揚香港農業，「哪怕只係（香港飲食市場）佔1％，其實都已經係大生意嚟」。翻查統計處數字，2022年10月及11月，新鮮或急凍魚類、禽畜肉類及新鮮蔬果的零售業銷貨價值，達22.03億元。
「一個行業如果唔辛苦、搵到錢，可能會吸引到多啲年輕人入行」，Nick強調，「魚農共生」模式打破坊間對務農的既定印象，並非日曬雨淋、高度依賴體力勞動的工作。此模式靠養殖大量食用的淡水魚如鱸魚，再利用魚的排洩物，供應營養予農作物生長，種植的可以是稻米、蔬菜、或者其他農作物。「菜喺溫室裏面種，無傳統農菜嗰種辛苦；餵魚又有餵魚機灑糧。」
稻米運日本釀酒 售逾2000支
去年他們以「魚稻共生」為試點，栽種「山田錦」稻米後，將稻米運至日本釀製清酒系列「沈清」，希望透過清酒，連結農業與香港人；清酒加入沉香等香港元素，加上近年不少人開始關注香港製造產品，這支由香港種植稻米所釀製的清酒，最終售逾2000支，為他們帶來七位數字收入。Nick明言：「我哋嘅野心係，有無機會（透過產品）將香港同世界連繫起嚟呢？」未來他們計劃出售鱸魚，希望以另一渠道推廣香港漁農業。
除了出產清酒，「香港酒造」現時正種植啤酒花，希望培養屬於香港的啤酒花。過往香港一直未能成功大規模種植啤酒花，他們希望挑戰一下，希望今年利用培植的啤酒花釀製精釀啤酒。Tom亦興奮指「我哋香港種得到啤酒花，係好振奮嘅，因為我哋將會有香港嘅品種！」他們冀透過不同農作物生產更多產品，「希望更多人了解我哋呢個地方嘅可能性。我哋睇台灣、日本、其實都好多講緊二三十歲嘅人，會返佢哋嘅家鄉嗰度種嘢，佢哋會注入啲新嘅諗法去做，香港唔係無可能，係絕對可以。」
【「香港酒造」部分產品】
沈清 － 謙 HIM，680 元
沈清 － 可 HER，680 元
購買詳情：https://www.hongkongyuedobrewery.com
【相關報道】
港產飲品｜攀山涉水搜羅被遺忘的本土水果 90 後手製 kombucha 保留香港味道
港產飲品｜馬灣可樂味似酸沙可樂糖喚兒時回憶 餐廳老闆土炮製作變量產
