電影LOL︳「台版瀧澤秀明」邱澤易容式演繹 新片《最好的相遇》演智障準爸爸 觀眾認唔出！

台灣靚仔男星邱澤當年拍過唔少偶像劇，近年轉型咩角色都接，就算喺《誰先愛上他的》嘅不修邊幅造型；或者早前大受歡迎嘅《當男人戀愛時》中飾演爛仔收數佬，著最老土嘅裇衫、最娘嘅髮型，揹住腰包都遮唔住佢型男氣息。而邱澤最新內地作品《最好的相遇》更加展現「易容式演技」，直頭認唔出！

由哈智超編劇及執導嘅《最好的相遇》剛剛推出預告片，故事講述失意嘅曹醫生（金世佳 飾演）於東山庭院療養院工作，療養院服務對象以智力障礙為主，病友大多純真簡單，對於曹嚟講有如世外桃源！曹漸漸與院友熟識，猶如家人相處。

其中一對院友劉英俊（邱澤 飾）及吳燕子 （張鈞甯 飾）相愛且感情堅定，燕子意外懷孕令院內所有人陷入艱難嘅抉擇。邱澤飾演嘅劉英俊即將成為父親大感喜悅，不過智商只得8歲嘅佢未必理解現實困難，花絮片段中劉英俊聽到曹醫生一針見血指佢未能照顧孩子時，笑容由開心變僵硬，非常令人心痛。

邱澤因為角色調整外形，眉毛由濃密變稀疏、牙又黃又唔齊，加上佢為劉英俊設計嘅表情動作，睇哂成條預告再睇埋演職表，先知男主角係邱澤！唔少觀眾都有同感，更讚嘆原來邱澤演技咁好！

《最好的相遇》曾於7月第17屆FIRST青年電影展入圍最佳劇情長片，最終未能勝出。有評價指《最》美化弱點社群現實情況，太過童話！《最》10月20日先正式於內地上映，到時就知觀眾受唔受落，但最大贏家一定係邱澤，易容式演技通常攞到「最佳男主角」入場券！

更多電影文章

電影LOL︳少數內地劇被日本買版權翻拍 《隱秘的角落》日片版Gold Boy大人細路齊齊dark

電影LOL︳啞父為仔報仇！吳宇森20年來首套荷里活動作片Silent Night 確定12月上映

電影LOL︳荷里活編劇工會同資方達成協議 近5個月罷工有望完結

電影LOL︳女醫生偷食小鮮肉後交換肉身 萬聖節應節片Suitable Flesh少少咸多多血

電影LOL︳阿媽爭人錢走佬 新片Quiz Lady反差姊妹花玩問答遊戲上電視跑數

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！