電影LOL︳少數內地劇被日本買版權翻拍 《隱秘的角落》日片版Gold Boy大人細路齊齊dark

內地偶有翻拍日本電影或劇集，如《棋魂》、《忠犬八公》等，效果見仁見智。今次掉轉由日本翻拍內地懸疑劇集《隱秘的角落》成電影Gold Boy，仲由《死亡筆記》導演金子修介執導及岡田將生主演，成果令人期待。

《隱秘的角落》為2020年劇集，由秦昊、王景春、張頌文主演，改編自紫金陳推理小說《壞小孩》。故事由3個小孩朱朝陽、嚴良及普普一次於郊外遊玩，意外錄下張東升（秦昊 飾）謀殺外父外母過程而展開。

原著叫《壞小孩》，顧名思義目睹兇案嘅3位小孩都不是童真單純，各自有難題：嚴良為孤兒、普普急需要錢為弟弟醫病，而朱朝陽最陰暗，學業成績驕人但不受同學歡迎，父親再婚離家疼愛繼妹晶晶，慢慢變得憤世、壓抑。

3個少年以手執謀殺証據勒索張東升，朱更利用張殺害自己父親及繼母，甚至借機親身殺害妹妹朱晶晶。最後因為未成年及自我營造嘅弱者形象而逍遙法外，嚴良及普普淪為朝陽棋子，為其頂罪甚至無命。

劇集中嘅朱朝陽無咁陰暗，最壞嘅人變成張東升，因為隱瞞真相而三番四次同朱等人糾纏，取回証據直接、間接殺害朱父母、見普普病發而不救，成年人對未成年可以咁狠心都幾變態！日本電影版將結合原著小說及劇集版進行改編，變態殺人狂東升將由靚仔男星岡田將生飾演，一洗以往陽光帥氣戲路！

電影Gold Boy早前公布入圍下月舉行東京國際電影展嘅Gala Selection單元作全球首映，而初版海報早於今年3月香港影視博覽時曝光，睇設計剪影暫時仍以3個小孩為主角，不過現階段除咗岡田將生外未有公布其他演員陣容，非常神秘！電影將於2024年正式公映。

更多電影文章

電影LOL 今期睇咩戲︳轟天猛將4／大偽術師／幸福晝鳴曲／孤注一擲／以色列鐵娘子：梅爾夫人／幸福晝鳴曲／職場新仔

電影LOL︳啞父為仔報仇！吳宇森20年來首套荷里活動作片Silent Night 確定12月上映

電影LOL︳荷里活編劇工會同資方達成協議 近5個月罷工有望完結

電影LOL︳女醫生偷食小鮮肉後交換肉身 萬聖節應節片Suitable Flesh少少咸多多血

電影LOL︳阿媽爭人錢走佬 新片Quiz Lady反差姊妹花玩問答遊戲上電視跑數

電影LOL︳連場打戲頂唔順 奇洛李維斯要求《殺神John Wick》導演賜死？

電影LOL︳拍完5年 12月終上映 錢國偉遺作《熱血燃燒》齊集古惑仔4主角獨欠鄭伊健

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！