電影LOL︳楊紫瓊老是常出現 《綠野仙蹤前傳》演校長 仲有十套新戲新劇預佢

呢期外媒登咗由家傳戶曉嘅故事《綠野仙蹤》改編嘅《綠野仙蹤前傳》電影角色造型照，西洋天后Arianna Grande會演主角Glinda，Cynthia Erivo就會演另一女角Elphaba。而靚仔男星 Jonathan Bailey就會係周旋2個女角之間嘅Fiyero。 至於新科金像影后楊紫瓊都會有份參與演出，飾演幾位主角就讀大學嘅校長。

執導電影嘅係美籍華裔導演朱浩偉，正正係《我的超豪男友》導演，因此同楊紫瓊早就合作過，難怪會應承參與。電影將會分2部曲推出，下年11月先上首篇。

係呀，又係楊紫瓊。荷里活project一早傾好先拍，因此作品密密推出嘅「楊紫瓊現象」，唔係阿姐得獎先出現。由《我的超豪男友》之後，楊紫瓊呢三幾年簡直係老是常出現，《星空奇遇記》劇集有佢，超級英雄片《尚氣》有佢，節日片Last Christmas（《舊年聖誕好戀嚟》）又有佢份，連動畫《迷你兵團2》都有佢……把聲！

而根據電影資料網IMDB，楊紫瓊仲有至少10個project等出街，包括嚟緊3集嘅《阿凡達》、新一季《星空奇遇記》劇集、新片《變形金剛：萬獸崛起》及動畫劇集ARK配音，新片A Haunting in Venice同新劇The Brothers Sun等！仲未計傾緊式者傾好而未公布嘅新作，勁唔勁先？早排「瓊姐」為香港電影金像獎做頒獎嘉賓時話過想再次拍港產片，我諗即使各位電影人有興趣的話，都要預多少少時間等佢個期。

更多電影文章

電影LOL 今期睇咩戲︳日麗／電子靈／鬼玩人：復活／潛眠叛變／緣來可以愛多次／指尖觸到的愛／來自雪國的遺書／驚天救援

電影LOL︳拎完奧斯卡當堂有牙力 珍美李寇蒂斯終於促成《衰鬼媽咪》拍續集

電影LOL︳又一套長片名台片 《請問，還有哪裡需要加強》黑幫大佬洗頭洗到出……

電影LOL︳搶人才！DC主腦爆料︰會帶《銀河守護隊3》演員去拍新《超人》

電影LOL︳徐克版《射雕英雄傳》落實開拍 肖戰演郭靖 新人莊達菲演黄蓉被嫌唔夠俏？

電影LOL︳X-Men靈魂人物 神級韓裔漫畫家Jim Lee出任DC漫畫主席

電影LOL︳超多星助陣 蝙蝠俠Robert Pattinson新片演極變態殺人狂 搵說客推動修例務求再落手

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！