電影LOL︳炒冷飯熱潮 片廠重拍《死亡習作》延續偽紀錄片風格有冇bug?

·2 分鐘文章

串流平台百花齊放,影視內容需求激增,可惜原創故事唔多夠,各大片廠開始炒冷飯,翻拍自家攞獎或收得作品,總之有少少知名度都攞嚟重拍。據外媒The Ankler報導,荷里活片廠Liongate有意重啟1999年恐怖片《死亡習作》!

當年《死亡習作》以「真實片段」(其實係偽紀錄片)、全handheld拍攝加埋低像素影像,全片零電腦特效為賣點,以超低成本20萬美金製作成功刀仔鋸大樹,大收2億5000萬票房,成為史上最賺錢恐佈片!

《死》咁收得電影公司即刻追加續集,第2集製作費大增至1500萬美元,續集變成乏味通山跑恐怖片,結果埋單得4700萬美金。雖然賺得少咗評價又差,依然繼續拍。拖到2016年嘅第3集降低成本至500萬,沿用首集偽紀錄片形式,叫做回到本有賺,雖然評價麻麻,爛蕃茄影評網得38%新鮮度。

首集《死亡習作》新鮮有驚喜,打開恐佈片新類型,成為一時風潮,之後亦有唔少電影使用handheld偽紀錄片形式拍攝。不過根據續集及第3集嘅成績就明顯無見好就收,估唔到唔夠幾年,又傳出Lionsgate想翻拍,據聞佢哋有意沿用《死》路人執到部機意外發現片段條橋,但唔再用Maryland女巫案,改為套上全新故事進行拍攝。

計劃處於初步階段,Lionsgate要重啟《死》難度甚高,1999年仲未有智能電話,跑住用手提攝錄機夜間拍攝,影像唔清唔楚夠哂氣氛。過依家部部電話都可以高清拍攝,連5歲細路都曉擺鏡頭攞shot做youtuber嘅時代,「偽紀錄片」已經無新意,如果今次重啟不當,系列應該可以永久拜拜?

更多電影文章

電影LOL︳《雷神4》預告片登場 Natalie Portman變女雷神勁大隻 仲有銀河守護隊出場!

電影LOL︳戲院下周重開 《蝙蝠俠》終於有得睇 《梅艷芳》再上映

電影LOL︳《婚前昏後》荷里活青春版?肥Amy Rebel Wilson新片Senior Year演昏迷廿年超齡高中生

電影LOL︳《超音鼠2》開畫大賣 導演有意拍對家任天堂全明星game大電影

電影LOL︳又有佢份?尼古拉斯基治親認拍《奪面雙雄》續集

電影LOL︳禁錮一年變情侶 Netflix爭議之作365 Days拍續集 預告片曝光更多火辣床戲

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能