電影LOL︳睇數做人 Netflix掟25億美元加碼製作韓國內容

串流平台龍頭Netflix宣佈未來4年將會加碼投資南韓影視項目，金額高達25億美元，較Netflix 2016年至今投資金額嘅2倍！

近日南韓總統尹錫悅出訪美國，其中一個行程包括同Netflix總部高層會面。Netflix CEO Sarandos於會上強調南韓影視作品包括劇集《魷魚遊戲》、《黑暗榮耀》或綜藝節目《體能之巔：百人大挑戰》等於平台獲得超高收視，其中《魷》於全球掀起熱潮。

電影方面成績亦相當驕人，由周元主演嘅《救命卡特》擠身2022年平台最高收視非英語電影十大； 綜藝真人秀《單身即地獄》一樣佔據非英語全球十大最多收看節目之一。

Sarandos於會上表示平台對南韓節目充滿信心，加上南韓政府對娛樂業界嘅支持，令佢哋放心投入巨額25億美元於南韓節目上。韓國節目而成功打入全球市場，Netflix嘅投資將加強平台與南韓嘅合作及為其創意工業注入力量。

今年Netflix總共推出34部南韓節目，已播出嘅包括《黑暗榮耀》第2季、愛情劇《浪漫速成班》、曝光南韓邪教紀錄片《以神之名：信仰的背叛》，未播出嘅有沿用第一季主演丁海寅、具教煥、金成均及孫錫久等嘅《D.P：逃兵追緝令2》。

待上架嘅電影則有由車勝元、韓孝周、趙震雄主演嘅犯罪電影《毒戰2》以及由李重賢執導、全鐘瑞主演驚慄片《芭蕾復仇曲》等。年年都有高質量嘅電視劇、電影及綜藝節目，題材類型多樣化，憑住創意新意衝破語言限制將南韓文化推至全球，吸引Netflix投入巨額支持！

更多電影文章

電影LOL 今期睇咩戲︳命案／吸血鬼奴才:雷菲爾／寶驚魂／教廷第一驅魔人／忠犬八公

電影LOL︳被譽為「007對Jason Bourne」 兩大阿姐Angelina Jolie Halle Berry新片大打出手

電影LOL︳荷里活2022年五大勁賺大片 《阿凡達：水之道》高成本照賺41.6億

電影LOL︳Netflix打擊帳戶「開心share」 拉丁美洲未推行就已經有訂閱逃亡潮？

電影LOL︳影評爆ONE PIECE真人版劇集試映反應超唔掂 幕後發文澄清︰完全不實

電影LOL︳成龍為新片《龍馬精神》製造大量網路熱話 殊不知票房竟然得呢個數…

電影LOL︳荷里活2022年五大仆直大片 迪士尼囊括2.5套 《奇異大世界》勁蝕15.5億

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！