電影LOL︳Netflix打擊帳戶「開心share」 拉丁美洲未推行就已經有訂閱逃亡潮?

Netflix出品好壞參半,有大量難睇劇集亦有唔少得獎電影。為咗保持高收入高製作費,串流平台可謂攪盡腦汁!日前Netflix CEO Ted Sarandos報告公司動向,指往年首季平台訂閱人數比預測低,不過收入卻比預期高。

以往為咗點擊率及製造全城熱話,平台默許一個戶口多人共用嘅做法,變相賺少咗。隨住製作量及製作費不斷攀升,Netflix要搵錢,於是上年有意大推「收費共享」計劃。

報告提及Netflix於加拿大、紐西蘭、西班牙、葡萄牙等等地推行「收費共享」計劃,成效顯著。特別加拿大錄得破紀錄訂閱數,增長速度更超過美國。不過拉丁美洲未正式推行計劃,就已經有大量取消訂閱,Ted Sarandos認為推行「收費共享」係正確方向,不過會稍稍延後計劃推行時間,再慢慢逐步擴大至全球用戶。

暫時以加拿大Netflix為例,基本(Basic)無廣告月費為9.99加元,「收費共享」只適用於標準(Standard 加元 16.49/月)或高級(Premium 加元20.99/月)戶口,想加多個訂戶每月要俾多加紙7.99。只係比基本計劃平少少,同自己重新登記新帳戶無咩分別!

計劃對Netflix香港擁躉影響唔大,偶爾先睇下Netflix一套半套劇嘅朋友可能反應大啲,不過Netflix月費仲平過一張戲飛,加上平台唔似收費電視,隨時襟個制就Cut得,相信香港用戶未必反感新計劃。但用戶訂閱費對Netflix真係好緊要,2024年平台將會投入17億美元做內容製作,貴絕荷里活咁滯,唔增加收入邊有錢開好戲!

更多電影文章

電影LOL 今期睇咩戲︳命案/吸血鬼奴才:雷菲爾/寶驚魂/教廷第一驅魔人/忠犬八公

電影LOL︳影評爆ONE PIECE真人版劇集試映反應超唔掂 幕後發文澄清︰完全不實

電影LOL︳成龍為新片《龍馬精神》製造大量網路熱話 殊不知票房竟然得呢個數…

電影LOL︳荷里活2022年五大仆直大片 迪士尼囊括2.5套 《奇異大世界》勁蝕15.5億

電影LOL︳《Marvel 隊長2》聲勢靜過太空 朴敍俊騎呢造型成唯一亮點

電影LOL︳輪到《魔海奇緣》拍真人版 The Rock毫無懸念做男主角

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!