雅虎香港新聞 馬鞍山美食︱街市外賣店去骨黃鱔煲仔飯！$45臘味三寶煲仔飯+即磨米漿皺皮腸粉
馬鞍山區烏溪沙站這街市小店，以街坊價賣即磨米漿做的皺皮腸粉，另有去骨黃鱔做的煲仔飯，足料抵食！即睇Yahoo Food專訪：
近年街市翻新後都會引入小食店，印象中都是港式土炮美食，平靚正醫肚為主，不會慢工細貨式下太多心機。遠在烏溪沙站旁的街市內卻找到這間外賣店，遠遠已經見到店內放了一部電動石磨機正在磨米漿，見店員把洗淨的米加在機頂，收集好米漿，有柯打時即入蒸櫃做腸粉，感覺新鮮。
【立即讚好】全新 Yahoo Food Facebook 專頁
兩溝米 鮮磨成漿做腸粉
問過店主Ken才知道，原來小店「食好啲」幾間分店，只得馬鞍山這間有即磨米漿做的腸粉。腸粉要滑而煙韌，關鍵是要用「舊米」，以泰國及中國米兩溝，出來的米漿會較不黏口，腸粉因此更有嚼口有彈性。石磨機每日幾乎不停運作，確保鮮磨米漿的供應。製作過程則和常見的皺皮腸粉相約，先加米漿及配料入蒸櫃，出爐，加醬就食得。款式方面走大路：蝦米、豬膶、粟米、冬菇，以瘦肉及叉燒腸最受街坊歡迎，加埋小店自製的甜豉油，腸粉入口更甘香。
去骨細黃鱔 炒香再焗
煲仔飯雖然不是馬鞍山店獨有，但性價比好高！平過三餸飯的「臘三寶煲仔飯」只是$45，臘腸肥油滲入飯粒，味香開胃。不得不提這裏的招牌「黃鱔煲仔飯」，Ken說參考了台山做法，以細條的黃鱔，用兩條，先骨後，再以醬料如蠔油落鑊炒香，最後入煲仔中焗熟，出來的黃鱔皮肉都軟腍入味，無骨啖啖肉，帶點魚油香，米飯粒粒分明，加少少豉油，已經好吃到一口接一口，平時買來加料一流。
食好啲
地址：馬鞍山西沙路599號銀湖天峰日日食良市場地下M6號舖(地圖按此)
電話：26183168
全新訂座平台「Yahoo訂餐廳×Openrice」正式上線！
更多馬鞍山美食推介
【馬鞍山好去處】馬鞍山首間親子餐廳！Whizbo Kids Café 韓風+環保+卡通美食
【馬鞍山美食】街坊義工開湯水舖 老闆：「放咗工想搵啖靚湯飲都冇」
【馬鞍山美食】備長炭煲仔飯專門店 海膽安格斯牛肉煲仔飯/特製豬油拌飯/黃金飯焦
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
