69歲朱咪咪享清福近照身形清減 自爆原因與兒媳有關

69歲朱咪咪當年隻身來港發展，曾喺酒廊獻唱，後來拍過唔少廣告，曾簽約華納唱片，參與多套電影和劇集演出，亦四處登台。朱咪咪於星馬及香港均有物業，朱咪咪近年長居新加坡，與兩個兒子及新抱生活，曾拍攝短片曝光新加坡兩層半豪宅，不但自己住一層，更將其中一間房改裝成錄音室，被封「億萬富婆」。朱咪咪自2021年拍攝TVB劇集《陀槍師姐2021》就無再拍劇，去年於澳門舉辦「《過大海》系列之朱咪咪 ME TIME演唱會」 直言被記者誤會退休，但其實只係因為辛苦，要捱更抵夜而唔再拍劇，又指自己骨頭卜卜脆，所以要減些工作。敖嘉年近日喺社交平台分享與朱咪咪合作拍電影嘅工作照。

敖嘉年寫道：「電影佛山功夫少年拍攝第三日，今次又可以同偶像合作#洪金寶 #朱咪咪 #敖嘉年 #高志森」，從照片中睇到，朱咪咪雖然處於享清福階段，但清減了不少，更加驚現樹根頸，不過佢就曾解釋因與兒媳同住好少食飯，表示兒媳唔食飯，冇澱粉質，自己只係每朝食碗湯粉，傍晚就求其食啲餃子同菜。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！