【電影LOL】露骨短訊爆鍾意SM Armie Hammer驚傳性愛醜聞 辭演天后J.Lo 新片

《以你的名字呼喚我》、《蝴蝶夢》男星艾米漢默（Armie Hammer）近日驚爆性愛醜聞，爆料者於社交平台晒出Armie私照及私訊截圖，內容其中不乏暴力性幻想，又自稱是「100％食人主義」，仲話鍾意玩SM等等，極為露骨！

Hammer剛剛在7月結束10年婚姻，據報係因為Armie出軌不斷，偷食成為離婚導火線。爆料人除咗爆私訊，仲大爆Armie有眾多小三！對於指控，Armie Hammer發聲明表示唔會回應有關不實指控，不過前女友Jessica Henriquez就出貼文話網上流傳嘅截圖百分百真實，令事件花生指數急升！

好記性嘅網民仲搵返佢2013年同Playboy做嘅訪問，入面佢自爆夫妻性生活，形容自己喺床上係「強勢情人」，有舖叉頸扯頭髮癮。不過婚後因為尊重太太，所以性口味都變埋，唔再粗爆咁話！就算Armie唔回應，件事似乎無咁快平息。

聲明中Armie表示因為現時遭受惡意攻擊，唔放心離開對仔女出國拍戲4個月，所以決定辭演新片Shortgun Wedding，非常感謝片商Lionsgate嘅體諒及支持。本來Armie Hammer喺呢套動作喜劇同天后J.Lo Jennifer Lopez做情侶，2人邀請摯親好友出席小島婚禮，一大堆姨媽姑姐三姑六婆聚埋一齊是非滿天飛己經夠哂煩，仲要遇上大賊全家被脅持做人質，真係人都癲！

其實由#metoo運動開始，片商好重視對名人嘅私生活及言論，稍為政治不正確都會直接換人。Armie醜聞同偷食、虐待女性等扯上關係，就算係假新聞相信片商都怕怕，加上套戲將於多明尼加共和國開機，製作費昂貴，仲係Lionsgate首部將多國播映權售予Amazon Prime Video嘅電影，不容有失，又唔知單醜聞真定假同搞幾耐，所以寧願重新選角仲穩陣！

Armie上月先落實會喺迷你影集新版《教父》中飾演電影監制Al Ruddy，排住上仲有《以你的名字呼喚我》續集，以及同丹麥影帝麥斯米基辛合作嘅The Billion Dollar Spy，至於以上電影會唔會換角或改期，怕且要睇單醜聞點收科！

更多電影文章

【電影LOL】Netflix 年度大片巡禮 神奇女俠搭死侍拍動作喜劇有睇頭 眾星雲集Don’t Look Up災難變喜劇

【電影LOL】Marvel高層大爆動向 《黑豹》唔易角 死侍正式加入Marvel宇宙

【電影LOL】等足15年 《新·福音戰士劇場版 │▌》如期上映 取消優先場嚇親fans

【電影LOL】《男兒當入樽》電影版不日登場 放心！唔係真人版！

【電影LOL】劉亞仁增肥33磅寒背扮啞仔 Voice of Silence 演低下階層幫黑幫收屍

【電影LOL】2020香港電影票房急跌7成 《乜代宗師》《天能》成年度中西片票房冠軍

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！