【電影LOL】等足15年 《新·福音戰士劇場版 │▌》如期上映 取消優先場嚇親fans

·3 分鐘文章
【電影LOL】等足15年 《新·福音戰士劇場版 │▌》如期上映 取消優先場嚇親fans
【電影LOL】等足15年 《新·福音戰士劇場版 │▌》如期上映 取消優先場嚇親fans

日本動漫迷呢期零舍多新聞要追,上星期先有《男兒當入樽》電影版消息傳出,大家估估下故事會係以邊段時間發展。另一套深受歡迎嘅《新世紀福音戰士》電影《新·福音戰士劇場版𝄇》,本來排好1月23日喺日本公映,但由於當地疫情嚴峻,片商決定取消「世界最速上映」企劃。消息一出大家個心離一離……唔通要等多一排先有得睇?

咪驚住!「世界最速上映」企劃係本來安排全日本15間戲院,喺23號零時零分放映《新》片嘅宣傳活動。由於日本實施「緊急事態宣言」,戲院只可以開放到晚上 8 點,原定嘅「世界最速上映」要取消。但係電影映期暫時冇變,放心晒!

需知道唔少EVA fans等咗1/23呢日十五年!《新世紀福音戰士》電視動畫喺1995-96年間播放,與別不同嘅畫面風格同故事意涵,衝擊唔少觀眾,成為當代經典。後來原創者庵野秀明喺2006年宣布將會製作4套全新劇場版電影,名稱仲拎走「世紀」2個字,本來計劃分別喺2007至08年先後上映。結果只有第一套《福音戰士新劇場版:序》如期07年面世,第二部《福音戰士新劇場版:破》已經推遲一年至20096月底先至公開。第三部嘅《福音戰士新劇場版:Q》比原定遲4年,直到2012年11月終於上畫。

【電影LOL】等足15年 《新·福音戰士劇場版 │▌》如期上映 取消優先場嚇親fans
【電影LOL】等足15年 《新·福音戰士劇場版 │▌》如期上映 取消優先場嚇親fans

點解終結篇嘅《新·福音戰士劇場版 │▌》要等足8年幾先收工?首先庵野秀明中途去咗做導演拍《真.哥斯拉》(2016),後來就因為身體抱恙影響進度,本來訂於上年6月上映,又因為新冠疫情搞到再延期。即使之後宣布新映期係今年1月,唔少慣咗被「放飛機」嘅fans都未硬奢望,直至上個月中官方twitter出post話後期工作全部完成,大家終於可以放下心頭大石。

第一條預告片出街之後,只可以得知主題曲繼續由宇多田光主唱,但係故事到底會係點?主角碇真嗣喺片尾講出「再見,所有福音戰士」,而片名嘅「 │▌」係樂譜符號,代表全曲完結……呢套會唔會係全個EVA終極結局?香港觀眾應該要等一陣先知嘞。

更多電影文章

【電影LOL】《男兒當入樽》電影版不日登場 放心!唔係真人版!

【電影LOL】劉亞仁增肥33磅寒背扮啞仔 Voice of Silence 演低下階層幫黑幫收屍

【電影LOL】涉抄襲15年後終認衰 串嘴才子郭敬明新片《晴明集》受拖累臨時落畫

【電影LOL】2020香港電影票房急跌7成 《乜代宗師》《天能》成年度中西片票房冠軍

【電影LOL】一文睇晒 13套改期2021年上畫大片

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!