【電影LOL】《男兒當入樽》電影版不日登場 放心!唔係真人版!

·3 分鐘文章
【電影LOL】《男兒當入樽》電影版不日登場 放心!唔係真人版!
【電影LOL】《男兒當入樽》電影版不日登場 放心!唔係真人版!

日本漫畫家井上雄彥日前於自己社交媒體宣布佢嘅名作《男兒當入樽》將會推出電影版,消息一出震撼網絡!仲因為要喺唔同社交平台出post,連佢自己都笑一件事講咗3次。不過重要嘅事要講3次,唔少《男》fans一啲都唔mind,紛紛留言支持,更多係激動表示等咗多年終於等到井上老師新作品!

【電影LOL】《男兒當入樽》電影版不日登場 放心!唔係真人版!
【電影LOL】《男兒當入樽》電影版不日登場 放心!唔係真人版!

由於貼文除咗「有電影」及「#slamdunkmovie」外就咩都無,好多fans都估緊係動畫版同真人電影版,特別近年日本一窩瘋咁改編日漫做真人電影,由寫實懸疑到奇幻到粉紅BL咩都拍勻哂,電影成品又非常參差,大家都極擔心《男》會變成真人版電影(睇過鄭伊健同吳大維90年代嗰套就知)!各位可以鬆口氣,日媒Oricon取得《男》版權所屬公司東映確認,新作會係動畫!

【電影LOL】《男兒當入樽》電影版不日登場 放心!唔係真人版!
【電影LOL】《男兒當入樽》電影版不日登場 放心!唔係真人版!

《男兒當入樽》係井上雄彥90年代於《少年JUMP》連載嘅作品,故事圍繞身體靈活、頭腦簡單嘅不良少年櫻木花道,為咗追求女神晴子而加入籃球社。櫻木由對籃球一竅不通到漸漸愛上打籃球,當中嘅青春熱血加埋少少搞笑,食住當時NBA熱潮席捲全球,《男兒當入樽》於亞洲大受歡迎,成為唔少7、80後共同回憶。雖然漫畫於1996年完結,不過當中嘅情節同畫面仍然相當流行,「教練我想打籃球」、「左手只需輕輕的扶着」、「放棄的話,比賽便等於結束了!」,有睇過都會記得。

【電影LOL】《男兒當入樽》電影版不日登場 放心!唔係真人版!
【電影LOL】《男兒當入樽》電影版不日登場 放心!唔係真人版!

呢套電影版嘅故事會係《入樽》迷最關注,連載漫畫以湘北喺打贏強隊山王工業,並輕輕交代湘北之後無法晉級作結。而2004年嘅特別篇就交代湘北各人喺「山王大戰」十日後嘅生活。到底電影版時間軸起點會喺邊?會唔會係各主角長大成人嘅生活,還是依然停留喺佢地嘅青蔥歲月?好期待!

更多電影文章

【電影LOL】劉亞仁增肥33磅寒背扮啞仔 Voice of Silence 演低下階層幫黑幫收屍

【電影LOL】涉抄襲15年後終認衰 串嘴才子郭敬明新片《晴明集》受拖累臨時落畫

【電影LOL】2020香港電影票房急跌7成 《乜代宗師》《天能》成年度中西片票房冠軍

【電影LOL】Netflix正嘢History of Swear Words 眾星名正言順爆粗

【電影LOL】一文睇晒 13套改期2021年上畫大片

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!https://apps.apple.com/hk/app/id1455821641?mt=8