《死侍與狼人》導演被傳係Marvel下套《復仇者聯盟》電影大熱執導人選︳電影LOL

前日提到夏天大片開始上場，但呢期北美票房始終麻麻地，而家大家都認為最有機會打破悶局嘅大片，會係7月26日上映嘅《死侍與狼人》。早前業界活動CinemaCon睇過《死侍與狼人》片花嘅行內人，都對套戲讚不絕口，加上宣傳策略延續Deadpool口臭mean爆風格，早排曝光嘅「口張開」爆谷桶連小編都想要一個！

對《死》期待嘅可能唔止觀眾，仲有Marvel……唔止因為要靠票房一振聲勢，而且今日有傳《死侍與狼人》導演Shawn Levy成為Marvel下套《復仇者聯盟》電影大熱導演人選，甚至話Shawn Levy已經收到劇本，不過Levy仍未答覆做定唔做。而率先爆料嘅外媒Deadline就話，Marvel等緊Shawn Levy回覆期間，都會同其他心儀嘅導演人選見面。

聽落好似Marvel要睇Shawn Levy頭咁，又真喎！畢竟Shawn Levy至少要為Netflix劇《怪奇物語》Stranger Things最後一季做導演同監製，再加多套《星球大戰》新片喺手，仲有冇時間拍埋《復仇者》？佢肯接的話都幾得人驚，三套project都係3宇宙級咁大！

自從2019年嘅《復仇者聯盟︰終局之戰》後，Marvel超級英雄片聲勢到達頂峰，但亦都無以為繼，畢竟鋪咗太多條線又劇集又電影，而die hard fans有限，近幾套Marvel作品票房疲態畢現。因此Marvel話事人Kevin Feige上場後，新一套《復仇者聯盟》電影許勝不許敗。Deadline指Marvel即使未搵到導演人選，都打算拎住劇本搞籌備，務求令新嘅《復仇者聯盟》喺下年開鏡。而且據講新一套《復仇者聯盟》會有超過60個Marvel宇宙角色出場，變型俠醫Mark Ruffalo、雷神Chris Hemsworth、奇異博士Benedict Cumberbatch等全部返晒嚟。咁大陣仗，難怪Marvel想搵拍開大嘢嘅Shawn Levy出手。

更多電影文章

魔胎／詭異之家／隊冧全世界／子承父孽︳電影LOL 今期睇咩戲

《紙牌屋》Kevin Spacey 性侵控罪全數打甩 群星力撐復出︳電影LOL

《加菲貓：勇闖世界》小勝《芙莉歐莎》蟬聯票房冠軍 北美戲院淡靜周末收入按年跌近7成︳電影LOL

演員變老千呃7億美金 荷里活最大龐氏騙局將拍成紀錄片︳電影LOL

《職業特攻隊8》隨時再延期 因為2.3億元潛艇壞咗︳電影LOL

張藝謀失手之作《長城》登上Netflix十大 主角麥迪文話「套戲爛到連個女都串我」︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！