《紙牌屋》Kevin Spacey 性侵控罪全數打甩 群星力撐復出︳電影LOL

荷里活實力派男星Kevin Spacey 憑《紙牌屋》再上一層樓，但係事業登頂之際佢被指多年來涉嫌性侵多名男子，幾乎一鋪清袋。

點解講起阿Underwood總統（《紙牌屋》入面Kevin Spacey個角色）？因為見到去年搵Kevin Spacey 聲演電影Control嘅導演Gene Fallaize，即將開拍新片Nightmares，於是睇返Kevin Spacey 而家咩狀況。

話說Kevin Spacey 喺英國被控於2001－13年間性侵4名男子，處理官司期間Kevin Spacey為Nightmares獻聲演出一角，算係小試牛刀復出之作，不過套戲規模唔大評分亦麻麻。

Kevin Spacey 喺英國嘅官司最終被判無罪，而喺美國嘅另一單性侵官司亦獲法院撤控，總算還佢一個清白。喺上個月，英國Channel 4推出嘅紀錄片播出關於Kevin Spacey官司嘅紀錄片，之後包括莎朗史東(Sharon Stone)、尼安里遜(Liam Neeson)等影星聯署，表態支持Kevin Spacey 復出幕前。

因為性侵指控，Kevin Spacey 喺2017年被轟出《紙牌屋》劇組，劇中靈魂人物「總統」要易角，結果套劇評價大不如前，拍多一季就收工。Kevin Spacey 亦差不多銷聲匿跡，去到前年先至再有新片推出，唔講你都唔知哩係咪？咁就證明幾套戲反應如何。

曾獲奧斯卡最佳男配角同影帝嘅Kevin Spacey 接受英國《電訊報》訪問時表示，當荷里活嘅metoo運動發酵之際，外界當時對佢嘅指控出現「未審先判」嘅情況。

更多電影文章

魔胎／詭異之家／隊冧全世界／子承父孽︳電影LOL 今期睇咩戲

《加菲貓：勇闖世界》小勝《芙莉歐莎》蟬聯票房冠軍 北美戲院淡靜周末收入按年跌近7成︳電影LOL

演員變老千呃7億美金 荷里活最大龐氏騙局將拍成紀錄片︳電影LOL

《職業特攻隊8》隨時再延期 因為2.3億元潛艇壞咗︳電影LOL

張藝謀失手之作《長城》登上Netflix十大 主角麥迪文話「套戲爛到連個女都串我」︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！