雅虎香港新聞 【回歸 25】見證新聞界最自由時光 老兵楊健興未言退 籲同業持守專業：至少唔會一片死寂
【Yahoo 新聞・回歸 25 系列報道】1997年6月30日晚，大雨滂沱，時任《南華早報》政治編輯楊健興趕到灣仔會展，採訪回歸交接儀式。翌日《南早》7.1報章頭版以至時任港督彭定康的專訪，都由楊操刀，「老總冇同我講要點做。自己諗晒問啲咩、點樣做、角度點寫」。
事後回想，楊健興笑言新聞自由曾經「袋咗落袋」，當時「有得做就照做，邊諗到咩新聞自由」。入行38年的他見證過回歸前新聞界最自由的時光，至近十年情況急轉直下。楊出任記協主席的四年間，遇上反修例示威，多間新聞機構相繼停運，包括他有份創辦的《眾新聞》。
越過高山低谷，這位新聞界前輩未曾言退。他呼籲同業一起點燃燭光，照亮灰暗的前路，「雖然唔會扭轉到成個環境，但至少唔會一片死寂。」
80至90年代楊健興在《南華早報》任職，跟進《基本法》起草期間不時到內地採訪，「（當時）新聞自由好似真係袋咗落袋，同而家好唔同」，內地官員都明白香港傳媒做法與內地不同，大家「有傾有講」，記者甚至可近距離與訪港的北京官員直接交談。楊93年出任《南早》政治編輯首天就接到彭定康新聞秘書麥奇連（Kerry McGylnn）來電打招呼，此後兩人幾乎每天通電話，但對方不會施壓，「大家摸吓底，佢想知道我哋點睇啲大新聞，我亦都好想知佢哋點睇。」
回歸交接儀式那個晚上，從高處的記者區遠眺，楊健興只記得身穿紅衣的時任布政司陳方安生站在台中央，「淨係見到一粒紅色，同埋兩面國旗」。他指新聞工作者縱憂慮前景，但未至於擔心失去新聞甚至人身自由，「未算驚，冇咩令你覺得殺到埋身。」
評論質疑問責制 商界人士提醒：「尖銳咗」
回歸初期，楊健興形容新聞界享受過短暫蜜月期。直至千禧年代，他在報章評論質疑問責制，有與政府相熟的商界人士對他說：「你近排啲文好似尖銳咗喎。」楊在施政報告記者會亦有向時任特首董建華問及問責制，董第一句就說：「Chris，我知你對問責制有啲唔同睇法......」同年發生港大民調風波，「諗返有啲嘢係吻合，當特區政府管治出問題，就開始着意輿論、媒體報道」。
至曾蔭權上台，楊形容他擅於與媒體打好關係，「有時佢對某啲報道有意見，都係笑笑口、冇特別做咩。」 然而到2009年，他有感撰寫評論的空間日漸收窄，遂離開《南早》，不久轉到《信報》主理英文財經網站。
2014年現暗湧 「知道場風將會打」
至大約十年前，楊健興真切感受到風雲變色。隨著反國教風波、傘運相繼爆發，加上2014年明報前總編輯劉進圖遇襲，「幾清楚見到媒體工作環境可能已出現好大變化」。一眾資深傳媒人輪流探望劉時，聊到某報館有人事變動、某機構被提點不要訪問某些人，「未必係好明顯抽起一隻故仔，但累積起來就拼合到個圖，知道場風將會打。」
他與一些老行家有共識，認為主流傳媒愈來愈難做，不如在其他領域爭取更多空間。他2017年元旦與李月華、姜國元等資深傳媒人宣布成立《眾新聞》。同年他出任記協主席，「大家感覺到山雨欲來，但真係落起雨上嚟，原來好誇張。」
2019年爆發反修例示威出現警員對記者使用強光、粗言甚至揮動警棍的畫面，翌年5月有傳媒拍攝到警員喝令大批記者蹲下並近距離噴射胡椒噴劑。事後時任警務處處長鄧炳強與記協等組織會面後，警方發稿致歉並稱會調查事件，惟最終不了了之。其後國安處兩度搜查《蘋果日報》大樓，多名高層被捕，《蘋果》停運。半年後《立場新聞》步其後塵，《眾新聞》也告別讀者。
楊指這兩年的變化還包括收緊查冊等限制，官員及建制媒體多番點名批評記協，多間電子傳媒「大地震」，「心理上一直同自己講，香港未必會到呢一日，但而家真係見到。」五年前7.1國家主席習近平訪港，警方公共關係科事前約見記協、攝記協商討採訪安排。今年亦有回歸慶祝酒會，警方沒再約見之餘，多間傳媒被拒諸門外，「觀感都差，又話要『說好香港故事』」。香港的無國界記者「新聞自由指數」由20年前第18位跌至今年第148位。
開YouTube頻道 評論用字更謹慎
《眾》停運後，楊沉澱消化後發覺，與其坐以待斃，不如找個身位做力有所及的事。他數月前成立時事評論的YouTube頻道，但評論用字更謹慎，「例如嗰啲『乜乜之死』，雖然只係形象上的說法，但你不能夠排除畀人話煽動。」近一年獨立記者、自媒體平台如雨後春荀，「各自做囉，唔會扭轉到改變到成個環境，但至少唔會一片死寂。」
楊健興在去年底記協周年晚宴以英語致詞勉勵同業：「在最黑暗、迷茫、無助的時候，亦是我們最需要秉持專業操守，擁抱希望、繼續照亮的時候。」半年後的今天正值回歸25周年，他仍然如此相信。
【Yahoo 新聞・回歸 25 系列報道】
【回歸 25】曾歷「負資產」 驗樓師詹 Sir 見盡樓市荒誕
【回歸 25】反 23 條後成政治漫畫家 黃照達移民後續創作：在港「每日都要自我審查」
