【電影LOL】疫情打亂007上映日期導致財困 美高梅筍價賣盤俾Amazon

·2 分鐘文章

新冠疫情導致唔少荷里活片廠勢力大洗牌,1924年創立嘅老牌片廠美高梅不時傳出財務危機,因為疫情令旗下金蛋《007》片期一推再推,延遲上映搞到無收入,終於頂唔順,被亞馬遜以84.5億美元收購,係亞馬遜有史以來第2大交易,僅次於2017年以137億收購超市Whole Foods單deal!

亞馬遜以賣書起家,近年轉型電子商貿,更多係上亞馬遜買家品嘢,因為貪其prime會員制提供超快送貨服務,又附送Prime Video服務,大把劇集同戲睇。受惠於疫情,特別北美地區因為封城措施,會員人數大幅提升,今年4月錄得會員人數1750萬,迅速佔據串流平台市場第2位,成為龍頭Netflix(全球會員人數2070萬)對手!

亦因為新冠疫情,戲院被逼停業,各大荷里活片廠迪士尼、華納等紛紛推出自家串流平台自救,意味亞馬遜、Netflix等串流平台上架內容會越嚟越少,唯有辦法就係大量製作自家出品,又或者買起其他公司!

亞馬遜肯高價連債務收購美高梅,無非睇中老牌片廠嘅藏片量,據The Hollywood Reporter報導,美高梅擁有超過4000部電影版權以及17000小時電視內容,當中包括經典電影《賓墟》、《綠野仙綜》、《亂世佳人》、《西城故事》、《的士司機》及《沉默的羔羊》等。

舊片以外,美高梅仲有幾個賺錢IP,包括《哈比人》系列、《第一滴血》、《洛奇外傳》《盜墓者羅拉》以及成個「占士邦」系到!「007」多年來拍極都咁搵錢,久唔久換個新主角又可以重啟再拍,名乎其實嘅金蛋!

電視方面,美高梅監制幾多大熱劇集,包括《使女的故事》(The Handmaid’s Tale)、《雪花高離奇命案》(Fargo)及Vikings等,可惜美高梅手握一手好牌無好好經營,因為一套《007:生死有時》未能如期上映,即時營運資金不足,百年片廠就咁摺埋!

亞馬遜因為疫情崛起,今次收購一下解決平台片量問題,兼且手握大量版權,隨時可以攞嚟翻拍成劇集或電影,多咗4000套舊片又同時得到4000條可翻拍嘅戲橋,躍升成為荷里活大片廠,單deal好抵!

更多電影文章

【電影LOL】今期睇咩戲 《黑白魔后》《我的印度男友》《軍情諜報》《情約時分秒》《靈慾咒怨》

【電影LOL】《梅艷芳》傳記片預告曝光 影壇大亨因為梅姐一次幫忙決定開拍

【電影LOL】又有明星得罪內地網民 今次係F9 John Cena 「趙喜娜」講中文致歉

【電影LOL】Marvel 重要之作《永恆族》預告片曝光

【電影LOL】《神探白朗》續集星級卡士夠拍幾套戲!Edward Norton未埋位已經被網民估係兇手

【電影LOL】歌手傳記片拍極仲有 片商敲定拍雪兒生平

【電影LOL】奧斯卡得獎作《醉美的一課》拍美國版 里安納度做主角 會唔會變《醉爆伴郎團》?

【電影LOL】《老友記》25週年特集下周推出 Lady Gaga BTS客串陣容勁到喊

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!