【電影LOL】真熊真事改編 《白粉熊》拆解森林黑熊吸毒過量死之謎

真人真事改編電影睇得多，真人真熊改編電影你睇過未？環球影業即將開拍驚慄懸疑電影Cocaine Bear（暫繹：《白粉熊》)，由新版《神探俏嬌娃》、《完美巨星幫》導演兼演員Elizabeth Banks執導。

《白粉熊》受真熊事件啟發。事發於1985年，走私犯Andrew Thornton II由哥倫比亞運毒到美國，佢為咗掩人耳目選擇連人帶70磅白粉由飛機上跳傘降落田納西州，不過未能成功著地，即時無命！Andrew死後數月，獵人於國家地理公園發現黑巨熊屍體，經過保育專家驗屍，證實黑熊因為吸毒過量致死！

事發至今36年，點解忽然重回片廠視線成為電影題材？事緣2015年一篇網誌Kentucky for Kentucky追訪地區舊聞，其中包括肯塔基出身嘅走私犯Andrew Thornton。佢咃搵得返當年幫黑熊檢查嘅驟屍官接受訪問，証實黑熊個胃塞滿白粉，強調份量大到世上無生物可以承受。黑熊因為吸毒過量，最後氣管及心藏衰竭、中風而亡，認真慘情。

黑熊死後被製成標本輾轉成為收藏品，最後改名為Pablo EskoBear成為商場展品，據聞仲幾受小朋友歡迎，商場宣傳片都見到黑熊身影。亦因為咁，黑熊身世再次成為話題！

Elizabeth Banks從影多年，近年做埋電影監制兼導演，暫時執導過嘅2部作品《神》及《完》都唔係女性主導嘅喜劇，Elizabeth 今次改戲路挑戰懸疑片，根據外媒The Hollywood Reporter報導，電影雖然未公布具體故事大綱，不過肯定以熊為本，走私案如果以案中人視點展開，戲要拍得緊張懸疑唔係問題，如果以一隻熊嘅視點出發，聽落改編難度幾高。

將來電影見街，肯塔基班小朋友終於知隻熊點死，分分鐘發惡夢同喊餐死！

更多電影文章

【電影LOL】今個星期睇咩戲《哥斯拉大戰金剛》《約定的夢幻島》《悲傷路上還友你》《午夜諜變》《複身犯》

【電影LOL】奇洛李維斯創作漫畫BRZRKR大賣 Netflix扑鎚拍成電影搵奇哥孭飛

【電影LOL】內地翻拍《秋田犬八千》八千變八筒 網友mean問︰馮小剛演八公？

【電影LOL】唔係《12夜》續集 《12日》敲定鄧麗欣馬志威主演

【電影LOL】《尋秦記》電影版預告 影視展率先曝光 古天樂旗下天下一超多新作

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！