米芝蓮2023│刈包小店倆口小吃再獲必比登推介！店主：我想客人認得刈包味道而非名銜

2023米芝蓮必比登推介揭盅，相比起一星二星三星，星光熠熠的名廚名氣食府，「必比登推介」（Bib Gourmand）講求的，更多是性價比高的親民美食（官方標準是以低於港幣$400享受到不包飲料的三道菜）。去年一鳴驚人的刈包小店「倆口小吃」，開舖未夠一年隨即摘下米芝蓮必比登，今年再下一城繼續上榜！店主So Gun得知出爐名單，興奮之餘，他最想感謝餐廳背後的團隊。

【立即讚好】全新 Yahoo Food Facebook 專頁

心機刈包爆紅 出道未夠一年 即獲米芝蓮推介

廚師出生的So Gun和一般親民小店店主稍有不同，他的入廚工作經驗，皆來自大名鼎鼎的米芝蓮星級餐館像Amber（二星）、8½ Otto e Mezzo BOMBABA（三星）及TATE Dining Room（二星）。對於米芝蓮機制，甚至行內小八卦，他早有耳聞。這背景也令他更珍惜去年首次獲必比登推介：「上年元朗店開張未夠一年，無堂食，只做外賣，亦無宣傳，單靠刈包及壓餅的口碑，得到必比登推介，對我而言，已經是同類型小店的最高榮譽，當然我好清楚必比登和一星餐廳之分別，但已經非常鼓舞。」So Gun 說「必比登」這個被不少外界看成無實際作用的名銜，實際上影響力不淺：「元朗店開張時做過不少傳媒訪問，或者飲食blogger自己試食影相，於社交媒體分享，熱潮都不會維持得太長久。但上年獲必比登推介後，直到今天，仍然有人會慕名而來幫襯。」

無視惡意批評 專注做好出品

首個米芝蓮帶來的，不止知名度上的提高，更是一份壓力。但當大家都以為今年公佈前夕，珠玉在前，做店主的So Gun一定忐忑又緊張，他卻反而樂得平靜：「諗就一定會諗，但真係無太緊張。因為上年攞獎後，我反而睇開咗，我一直好留意食客在網上對餐廳的評價，當中都有唔少係無事實根據嘅惡意批評，本來我好介意，但必比登推介後令我發現，無論餐廳得到外間任何程度的肯定，都仍然會有惡意攻擊，咁我不如索性唔好理，專心做好出品，保持品質，反而更實際。」不過他也補充：「上年攞完獎後，真係有人話我只係靠運氣，咁今年再攞，多多少少都可以證明到自己。」

團隊功勞最大 由兩個人變一隊人

再獲肯定，今年So Gun心態有變，他更想藉此獎項，感謝包括女朋友Jun在內的團隊：「當初自己同女友於元朗店，兩個人兩對手，日做夜做，拼搏到如今中環分店，全職伙記增加至八人。今日的倆口小吃，已經不只是我自己的事，係一個團隊嘅功勞，我一個人邊做到咁多嘢呀？」訪問進行時是平日下午的中環店，非繁忙時間，見廚房內也忙於認真備貨 — 招牌刈包，排列整齊放在木盆內保溫，旁邊放著滷好的五花腩、花生碎、醃菜、酸菜、自製的柚子醬、炸雞包專用的泡菜忌廉芝士醬、只摘取葉部分的芫茜等，有order時即叫即砌包，夠新鮮。

當然還有招牌壓餅，即叫即煎，要煎齊八面。So Gun特別推介打卡度不及抹茶味的「芋泥肉鬆味」，芋泥先蒸後壓成泥，加了牛奶同煮更香滑，配合肉鬆，風味十足。見廚房內有說有笑又有效率，氣氛良好。「我哋無論中環店或元朗店，都無貼任何米芝蓮必比登認證。始終最想客人認得我哋招牌刈包及壓餅味道，唔係名銜。」他補充。

倆口小吃

地址：元朗鳳攸北街5-7號順豐大廈地下18號舖(地圖按此)

地址：中環康樂廣場1號怡和大廈地庫BaseHall Kiosk 11 (地圖按此)

電話：從缺

全新訂座平台「Yahoo訂餐廳×Openrice」正式上線！

>>立即按此了解更多香港各區餐廳訂座優惠<<

今晚食乜好？即睇最強雞翼食譜、牛油果食譜合集

地區美食合集！香港各區最新餐廳、cafe、甜品店推介

食乜養生好？二十四節氣：中醫教路/湯水進補/穴位養生

自助餐推介！睇盡各種自助餐優惠/回本攻略

想知最新飲食資訊？按此觀看Yahoo Food編輯推介

更多元朗美食推介

元朗美食2023｜元朗10大美食小店推介！米芝蓮推介刈包/超巨型炸雞髀/香脆炸蠔餅

元朗美食｜人氣咖啡店NOC Coffee Co.登陸元朗形點！日式禪意美學裝修打卡一流！ 新店限定煙燻伯爵茶薑味梳打

元朗美食︱茶飲店推原個椰子芒果布甸+鮮果益力多凍飲

元朗軟飯王結業！ 等足兩小時$55椒鹽豬扒炒飯 夫妻檔人龍店Last Call!

元朗美食｜永順食店沙嗲牛肉麵連關注組都大推屬香港三甲之一？ 炸雞翼/炸豬扒/芝士流心蛋豬扒治

元朗美食│90後鐵板燒大廚開舖賣慢煮雞胸 店主：邊個話雞胸一定難食？

Sora Cafe藍帶餅廚推限量哥基屁屁Bagel網民超冧！ All Day Breakfast/卡邦尼意粉/抹茶鮮奶

元朗吉列牛元祖店The Backstreet Kitchen宣佈結業 網民不捨 石燒吉列牛小排/石燒一口牛肋肉

元朗壽司郎│Sushiro壽司郎元朗新分店於夏天開幕屯元天各一間？ 網友期待與元氣壽司正面交鋒

【今晚食乜好】唔知今晚食乜餸？立即去Yahoo Food 食譜專頁搵靈感

>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！